Video/ Pasi u qëllua me shuplakë, Presidenti i Francës: Mos t’lejojmë…

Djali që qëlloi me shuplakë Presidentin e Francës, Emmanuel Macron, përveç thirrjes ‘’Poshtë Macron’’ bërtiti dhe  “Montjoie Saint Denis”. Mediat franceze shkruajnë se ky togfjalësh ishte thirrje lufte nga ushtritë franceze kur vendi ishte ende monarki ndërsa u thurën shumë histori me autorin.

Kryeministri francez, Jean Castex, e cilësoi një fyerje të demokracisë por Presidenti i Francës, Emmanuel Macron, tha se nuk duhet lejuar që këto ngjarje me individë ultra të dhunshëm të kapin debatin publik pasi nuk e meritojnë.

“Unë jam mirë. Ne duhet ta vendosim në perspektivë këtë incident, i cili mendoj se është një ngjarje e izoluar. Le të mos lejojmë që ngjarjet e izoluara, individë ultra të dhunshëm të kapin debatin publik ata nuk e meritojnë atë.“