Video/ Përurohet ura më e madhe në botë mbi det. Ja pamjet e projektit…

Presidenti i Kinës, Xi Jinping sot përuroi zyrtarisht urën më të madhe në botë të ndërtuar mbi det, projekt ky madhor i cili lidh Hong Kongun, Macaon dhe Kinën.

Me këtë projekt infrastrukturor të gjatë 55 kilometra shkëmbehen ura e gjatë mbi lumin Pearl dhe tuneli nëntokësor.

Fal ishujve artificial mundësohet edhe lidhja e ishullit të Hong Kongut, Lantau, me ish-pronën portugeze Macao dhe qytetin Zhuhai, në krahinën Guangdong.

“Zyrtarisht e shpall të hapur urën Hong Kong – Zhuhai – Macao,” tha presidenti kinez, pas fjalës së rastit në Zhuhai, ndërkohë bëhet e ditur se ura nesër hapet për qarkullim.

Ndërtimi i urës që ka filluar në vitin 2009, ka shënuar shkeljen e afateve, rritjen e buxhetit, akuzat për korrupsion dhe vdekjen e shumë punëtorëve.

Ndërkohë kundërshtarët e këtij projekti në Hong Kong e shohin si përpjekje të Pekingut që të forcoj pushtetin në ish-koloninë  britanike e cila në letër vazhdon të ketë autonomi të gjërë duke ju falënderuar parimit “Një vend, dy sisteme” që u zbatua me kthimin e saj nën pushtetin kinez më 1997.