VIDEO/ Rama: Ja ç´më tha Macron në sy ( dhe një mesazh për vendet skeptike)

Kryeministri Edi Rama ka zbuluar detaje nga takimi i zhvilluar në Paris me Presidentin francez, Emmanuel Macron, gjatë mbledhjes së grupit parlamentar të PS-së.

Rama u shpeh se ka marrë mbështetje dhe fjalë pozitive dhe se pas takimit është më optimist se më parë.

“Dje isha në Paris për të vijuar përpjekjen e vështirë por jo të pamundur diplomatike të bindjes së çdo vendi anëtar të BE-së për t’i dhënë vendit tonë në fund të qershorit, atë që mes reformash dhe rezultatesh Shqipëria ka merituar, çeljen e negociatave me BE-në.

Pas letrës sime presidenti Macron gjeti kohë të më priste në pallatin e Elysee.

Unë mund tju them se dëgjova nga presidenti fjalë tejet kurajuese për Shqipërinë.

Arritje në luftën kundër korrupsionit, reforma në drejtësi, vettingu, bashkëpunimi me policinë franceze për çështjen e azilkërkimit etj.

Ai më tha se vendimmarrja e Francës është në studim e sipër, pasi nuk ka lidhje me Shqipërinë dhe Maqedoninë, por tema e gjerë e zgjerimit të Evropës, që kërkon një reflektim të thelluar.

Jam më optimist tani pas takimit, ka akoma javë dhe punë për të bërë”, tha Rama.

Por ai vijoi “luftën” e nisur me disa vende të BE-së që janë shprehur skeptikë për arritjen e Shqipërisë.

“Gjë mangut nuk do i lëmë.

Por janë kushtet të jashtëzakonshme pasi erërat kundër zgjerimit janë kundër nesh nga disa vende të Evropës”, tha Rama.

<iframe src=”https://web.facebook.com/plugins/video.php?href=https%3A%2F%2Fweb.facebook.com%2Fedirama.al%2Fvideos%2F10155811484471523%2F&show_text=0&width=560″ width=”560″ height=”315″ style=”border:none;overflow:hidden” scrolling=”no” frameborder=”0″ allowTransparency=”true” allowFullScreen=”true”></iframe>