VIDEO/ Rama nuk ndalet me premtimet në Lezhë…

Kryeministri Edi Rama ka vijuar takimet në Lezhë, në kuadër të asaj që e quan turi i llogaridhënies së qeverisjes me qytetarët .

Rama ka premtuar investime në infrastrukturë dhe ripërtëritjen e plotë të memorialit të Skendërbeut. Gjithashtu ai ka folur me nota optimiste për rritjen e numrit të turistëve përgjatë seyonit veror.

“Do të vazhdojmë të rindërtojmë gjatë këtij viti rreth 60 shkolla dhe po ashtu do mbështesim projektet e bashkive për programin e ‘Rilindjes Urbane’. Në këtë zonë kemi kryer punime jetike të pastrimit të kanaleve të bllokuara prej çerekshekulli dhe janë rreth 15 km Drin që janë pastruar dhe janë kthyer nga një tapë që përmbyste dynjanë, në një aks që ke kënaqësinë ta shikosh. Shumë gjëra janë bërë dhe po vazhdojnë të bëhen. Me këto investime që folëm sot do të kemi një rritje të rëndësishme ekonomike. E kemi thënë gjatë fushatës se duam të shkojmë mbi 5%, pasi pas kësaj rritja ekonomike ndjehet në çdo familje.

Me ndërhyrjen për ripërtëritjen e plotë të memorialit të Skënderbeut do të plotësojmë një boshllëk, që është i papranueshëm dhe do t’i japim një tjetër atencion të rëndësishëm turistik qytetit, ku këtë vit pritet numri më i madh i turistëve në gjithë Shqipërinë. Janë 10 linja të reja fluturimesh që deri vjet nuk ishin të reja për Shqipërinë, pikërisht se ka një numër të madh turistësh. Kjo do të sjellë më shumë punësim, ekonomi dhe kontribut në forcimin e ekonomisë”, tha Rama.