Video/ Rekordi i ri i Edi Ramës, debati për Buxhetin 2024 vetëm 5 minuta
Kryeministri Edi Rama nuk e ka në plan të reflektoi edhe pas Raportit të Komisionit Europian, madje për të bastarduar qeverisjen e tij, sot për miratimin e Buxhetit 2024 u ndihmua edhe nga “demokratët” e Lulzim Bashës që i mbajtën ison Ramës për këtë lloj procedure duke mos denjuar të mbrojnë amendamentet që kishin paraqitur në Komision!
Ndonëse u paralajmërua si një seancë plenare maraton ku do të debatohej dhe miratohej buxheti i shtetit, ajo përfundoi për vetëm pesë minuta me miratimin e votës së 83 deputetëve, duke vënë dhe një rekord të ri i cili nuk është parë në asnjë parlament të botës, madje as në Rusinë e Putinit ose Serbinë e Vuçiçit!
Ndryshe, opozita shqiptare vazhdoi edhe sot përpjekjet për bllokimin e seancës parlamentare duke përsëritur tre kërkesat për ngritjen e komisioneve hetimore.
