VIDEO/ “Ruleta ruse” eleminon Spanjën nga Botërori

Spanja iu bashkua Gjermanisë, Argjentinës dhe Portugalisë, duke i dhënë fund Kampionatit Botëror. Spanjollët nuk shfrytëzuan rastet dhe kjo iu kushtoi me eliminim, duke pësuar me penallti me rezultatin 4:3 nga Rusia, në ndeshjen e 1/8 së finales.

Ndeshja në kohën e rregullt përfundoi barazim (1:1), por as shtesat dy herë nga 15 minuta nuk sollën ndryshim rezultati, kësisoj Spanja ngadhënjeu me penallti.

Në minutat e para të sfidës, Spanja kaloi në epërsi, falë një autogoli nga Sergey Ignashevich. Ky i fundit shënoi në portën e tij 1:0 në favor të Spanjës në minutën e 12-të.

Në minutat vijuese nuk pati raste ideale, mirëpo spanjollët dominuan takimin. Në minutën e 40-të, Pique preku topin me dorë dhe gjyqtari akordoi penallti për Rusinë. Artem Dzyuba ishte pagabueshëm nga penalltia dhe barazoi rezultatin 1:1 në minutën e 41-të.

Nga penalltitë për Spanjën shënuan: Iniesta, Pique, Ramos; dështuan: Koke, Aspas

Për Rusinë: Smolov, Ignashevich, Golovin, Cheryshev.

Spanja-Rusia 3:4 -me penallti

Stadiumi “Luzhniki Arena”, në Moskë.

Shikues: 78011.

Gjyqtar: B. Kuipers (Holanda).

Shënues: Ignashevich (12’-autogol) – Dzyuba (41’nga penalltia)

Nga penalltitë për Spanjën shënuan: Iniesta, Pique, Ramos; dështuan: Koke, Aspas – për Rusinë: Smolov, Ignashevich, Golovin, Cheryshev.

Kartonat e verdhë: Pique – Kutepov, Zobnin.
Spanja: de Gea, Nacho (Carvajal 70’), Pique, Ramos, Alba, Koke, Busquets, Silva (Iniesta 67’), Isco, Asensio (Rodrigo 104’) dhe Costa (Aspas 80’).

Rusia: Akinfeev, Fernandes, Kutepov, Ignashevich, Kudryashov, Zhirkov (Granat 46’), Samedov (Cheryshev 61’), Zobnin, Kuzyayev (Erokhin 97’), Dzyuba (Smolov 65’) dhe Golovin.