VIDEO/Sekuestrohen dy mina me telekomandë, arrestohet 36-vjeçari

Sekuestrohen mina me telekomandë. Gjatë një operacioni policor të koduar ‘Skuter’ është vënë në pranga një person të cilit i janë sekuestruar edhe dy minat me telekomndë.

Në njoftimin e policisë thuhet se: në Kurbin është finalizuar operacioni i koduar “Skuter ” ku janë sekuestruar 2 mina me telekomandë dhe është arrestuar në flagrancë poseduesi i tyre.

“Më datë 10.05.2018, në vijim të punës për parandalimin e ngjarjeve kriminale dhe goditjen e veprimtarive të kundraligjshme duke vendosur para përgjegjësisë ligjore autorët e dyshuar, nga efektivët e Seksionit kundër trafiqeve të paligjshme në Drejtorinë Vendore të Policisë Lezhë, bazuar në informacione të siguruara në rrugë policore, u bë i mundur arrestimi në flagrancë i shtetasit: – Fatjon Llanaj, 36 vjeç, banues në Tiranë.

Ky shtetas u kap afër Mbikalimit të Patokut, duke drejtuar një motor tip Piaggo pa targë, ku në një çantë kishte të fshehur 2 mina me telekomandë të cilat u sekuestruan në cilësinë e proves materiale. Vepra penale në ngarkim të tij ” Mbajtja pa leje dhe prodhimi i armëve, armëve shpërthyese dhe municionit” parashikuar nga neni 278/5 i Kodit Penal. Materialet proçeduriale iu referuan Prokurorisë së Rrethit Gjyqësor Kurbin, për veprime të mëtejshme”, thuhet në njoftimin e policisë.