Video/ Shkodër, Rama dhe Xhafaj dështuan në luftimin e krimit, u mobilizuan me propagandë….
Pas dështimit të Edi Ramës me Fatmir Xhafajn dhe policinë duke e lënë Shkodrën në duart e krimit, Rilindja e filloi mëngjesin e së enjtes me atë që di të bëjë më së miri, propagandë.
Fillimisht nxorri në konferencë për shtyp Zv/Drejtoren e Përgjithshme të Policisë së Shtetit, Aida Hajnaj, së bashku me atë që duhej shkarkuar me kohë, drejtorin Vendor të Policisë, Vehbi Bushati.
Çifti i dështimiti në luftë kundër krimit me këtë rast foli për rezultatin e operacionit të zhvilluar në Shkodër, ku sipas tyre u arrestuan 4 persona si dhe u sekuestruan 3 armë zjarri, municion luftarak, 6 makina të blinduara si dhe një sasi eurosh. Dhe jo vetëm kaq! Operacioni theksuan ata vazhdon:
Pa kaluar as një orë, aty ku policia ishte e padkushme që nga viti 2013, Policia e Shtetit komunikon se “Forca e Ligjit” në veprim, ka goditur disa pjesëtarë të grupeve kriminale në Shkodër.
“Pas një hetimi intensiv disa mujor mbi veprimtarinë e grupeve kriminale në qarkun Shkodër, zhvilluar këto hetime në kuadër të operacionit “Forca e Ligjit”, si dhe në funksion të hetimeve të ngjarjeve të fundit kriminale të ndodhura në këtë qytet, Policia e Shtetit, përkatësisht Drejtoria Vendore e Policisë Shkodër, Departamenti i Policisë Kriminale në Drejtorinë e Përgjithshme, forcat speciale RENEA, FNSH, Trupat e Posaçme Operacionale në bashkëpunim me organin e Prokurorisë, kanë arritur të ndalojnë dje në qytetin e Shkodrës disa elementë me rrezikshmëri shoqërore të lartë, anëtarë të grupeve kriminale aktive në këtë territor, por edhe më gjerë,” thekson Policia e Shtetit përmes një komunikate duke shtuar se bazuar në 19 urdhra kontrolli të miratuar me vendim gjykate, ka ushtruar kontrolle në 20 banesa e lokale tregtare, të përdorura prej personave të dyshuar si anëtarë të grupeve kriminale, dhe gjatë këtij operacioni u arrestuan 4 persona, 1 është në kërkim.
Të arrestuar janë:
• Ilir Rustemi (Bajri), 42 vjeç, lindur e banues në Dobraç, Shkodër;
• Emrah Plaku, 22 vjeç, lindur e banues në Shkodër;
• Astmer Bilali, 29 vjeç, lindur e banues në Shkodër;
• Erogen Brajoviç, 36 vjeç, lindur e banues në Shkodër;
Gjithashtu janë sekuestruar armë, municione, mjete të blinduara dhe sende të tjera të poseduara në mënyrë të paligjshme.
• 3 armë zjarri, (2 kallashnikovë dhe 1 pistoletë);
• 6 mjete të blinduara;
• rreth 800 fishekë;
• 1 armë e ftohtë
• 10.500 euro;
• 3 makina lojërash fati;
• njësi kompjuterike, DVR, CD dhe USB;
• telefona celularë dhe karta telefonike;
• 2 veshje antiplumb.
Policia e Edi Ramës duke mos pasur masën e trrorit mbi popullsinë falëndeon qytetarët e Shkodrës për mbështetjen që i japin çdo ditë në ushtrimin e detyrës, edhe pse nuk është e qartë për çfarë mbështetje e kanë fjalën kur ata ankohen se janë të terrorizua dhe nuk mbajnë mend një sjelle të tillë kriminale as nga policia pushtetuese ose ajo kriminale e Enver Hoxhës.
Deklarata e plotë e policisë:
“Forca e Ligjit” në veprim, goditen disa pjesëtarë të grupeve kriminale në Shkodër.
Pas një hetimi intensiv disa mujor mbi veprimtarinë e grupeve kriminale në qarkun Shkodër, zhvilluar këto hetime në kuadër të operacionit “Forca e Ligjit”, si dhe në funksion të hetimeve të ngjarjeve të fundit kriminale të ndodhura në këtë qytet, Policia e Shtetit, përkatësisht Drejtoria Vendore e Policisë Shkodër, Departamenti i Policisë Kriminale në Drejtorinë e Përgjithshme, forcat speciale RENEA, FNSH, Trupat e Posaçme Operacionale në bashkëpunim me organin e Prokurorisë, kanë arritur të ndalojnë dje në qytetin e Shkodrës disa elementë me rrezikshmëri shoqërore të lartë, anëtarë të grupeve kriminale aktive në këtë territor, por edhe më gjerë.
Veprimtaria hetimore disa mujore e Policisë së Shtetit e zhvilluar në këtë kuadër ka konsistuar në përgjimin, ndjekjen dhe gjurmimin e këtyre elementeve kriminalë si dhe mbledhjen e të dhënave në rrugë operative me qëllim evidentimin sa më të plotë dhe sa më të qartë të veprimtarisë kriminale të personave të dyshuar për kryerjen e kësaj veprimtarie.
Bazuar në 19 urdhra kontrolli të miratuar me vendim gjykate Policia e Shtetit ushtroi kontrolle në 20 banesa e lokale tregtare, të përdorura prej personave të dyshuar si anëtarë të grupeve kriminale.
Operacioni nisi dje rreth orës 02:30 të mëngjesit.
Gjatë këtij operacioni u arrestuan 4 persona, 1 është në kërkim.
Të arrestuar janë:
• Ilir Rustemi (Bajri), 42 vjeç, lindur e banues në Dobraç, Shkodër;
• Emrah Plaku, 22 vjeç, lindur e banues në Shkodër;
• Astmer Bilali, 29 vjeç, lindur e banues në Shkodër;
• Erogen Brajoviç, 36 vjeç, lindur e banues në Shkodër;
Gjithashtu janë sekuestruar armë, municione, mjete të blinduara dhe sende të tjera të poseduara në mënyrë të paligjshme.
Konkretisht janë sekuestruar:
• 3 armë zjarri, (2 kallashnikovë dhe 1 pistoletë);
• 6 mjete të blinduara;
• rreth 800 fishekë;
• 1 armë e ftohtë
• 10.500 euro;
• 3 makina lojërash fati;
• njësi kompjuterike, DVR, CD dhe USB;
• telefona celularë dhe karta telefonike;
• 2 veshje antiplumb.
Policia e Shtetit, nën drejtimin e Prokurorisë po vijon veprimet përkatëse procedurale me këtë rast për të zbardhur rolin dhe aktivitetin anti-ligjor të të dyshuarve dhe disa personave të tjerë të lidhur me ta.
Ne dëshirojmë të falënderojmë shumë përzemërsisht qytetarët e Shkodrës për mbështetjen që na japin çdo ditë në ushtrimin e detyrës sonë të vështirë dhe veçanërisht për qetësinë dhe mbështetjen që na dhanë gjatë këtij operacioni.
Ne i sigurojmë qytetarët e Shkodrës dhe gjithë Shqipërisë se do të vazhdojmë të jemi të angazhuar për të garantuar qetësi, rend e siguri për ta duke goditur me ashpërsinë e forcës së ligjit çdo individ të përfshirë në aktivitet kriminal.
Operacioni “Forca e Ligjit” vazhdon.
