Video/Tre shtetas të huaj dhe një kosovare, arrestohen për vrasje. Ja emrat…

Njësitë Speciale të Policisë së Kosovës kanë realizuar me sukses operacionin e madh kundër kriminelëve ndërkombëtarë të fshehur në Kosovë, duke arrestuar tre shtetas të huaj dhe një kosovare.

Policia e Kosovës ka përfunduar operacionin me kontrollin e pallatit ku dyshohej se ndodhen edhe dy serbë të kërkuar për vrasje, porse të njëjtit nuk janë gjetur aty. Gjatë kontrollit, policia ka gjetur armë zjarri, municione të ndryshme dhe lëndë narkotike.

Burimet e policisë thonë se në mesin e katër të arrestuarve ndodhen edhe Mario Millosheviç (38) dhe Gjordje Pavi ç eviç (31), dy emra të njohur në Mal të Zi për kryerje të veprave të rënda penale. Që të dy janë të dyshuar për vrasje e rrëmbime njerëzish të ndodhura vitet e fundit në Mal të Zi.

Janë arrestuar:

M. M.       lindur me 1981         mashkull/shtetas i Malit të Zi

J. P.         lindur me 1988         mashkull/shtetas i Malit të Zi

S. D.        lindur me 1996         mashkull/shtetas i Serbisë

L. Z.        lindur me 1995         femër/shtetase e Kosovës

Pjesëtarët e Njësisë Speciale kanë marr urdhër që të tërhiqen nga lagja “Kalabria” i pas rreth pesë orësh sa ka zgjatur operacioni ndërsa për katër të arrestuarit do të merret vendimi nga Prokurori i Shtetit

Ndryshe, ky operacion është realizuar pas hetimeve intensive të zhvilluara kohët e fundit nga Policia e Kosovës në bashkëpunim me autoritetet e huaja.