Von der Leyen: Normalizimi i marrëdhënieve Kosovë-Serbi, vendimtar për sigurinë!
Presidentja e Komisionit Evropian, Ursula von der Leyen, e konsideron si moment të cilin duhet ta shfrytëzojnë si Kosova ashtu dhe Serbia në takimin e së shtunës në Ohër ndërsa normalizimin e marrëdhënieve si vendimtar për sigurinë dhe stabilitetin rajonit.
“Tani është mundësia për të dyja palët që ta shfrytëzojnë momentin. Normalizimi i marrëdhënieve ndërmjet dy vendeve është primar ose vendimtar për sigurinë, stabilitetin dhe prosperitetin e rajonit. Kështu që unë shpresoj shumë që të dyja palët të jenë shumë konstruktive në të ardhmen në bisedime,” tha Ursula Von der Leyen për Agjencinë Evropiane ENR duke shtuar:
“Lufta në Ukrainë nënvizon rëndësinë gjeostrategjike të procesit të zgjerimit të BE-së dhe ne duam t’i sjellim partnerët tanë në Ballkanin Perëndimor sa më afër dhe sa më shpejt të jetë e mundur me Bashkimin Evropian.”
Ndryshe, Kryeministri Albin Kurti dhe Presidenti i Serbisë, Aleksandar Vuçiç do të takohen me shefin e diplomacisë evropiane, Josep Borrell, më 18 mars në Ohër, ku pritet të diskutohet për normalizimin e marrëdhënieve bazuar në planin e ri të Bashkimit Evropian dhe të mbështetur nga SHBA.
Në përafrimin e qëndrimeve. I dërguari i BE për dialogun Kosovë-Serbi, Mirosllav Lajçak, është duke qëndruar në Beograd ku po bënë përpjekjet e tij të fundit për të bindur Presidentin e Serbisë, Aleksandar Vuçiç, që ta firmos Marrëveshjen, e cila nga këndvështrimi i tij është kapitullim i shtetit serb; Pasi, kapitullimin e vërtetë të 11 Qershorit 1999 me Marrëveshjen e Kumanovës si Presidenti i asaj kohe, krimineli Sllobodan Millosheviç, ashtu dhe ministri i tij Informacionit dhe presidenti aktual, Aleksandar Vuçiç, e konsideruan fitore të madhe të popullit serb!
