Vrasja e dyfishtë në Shkodër, autori mund të ketë pasur njohje me viktimat/ Ja dyshimet

Prokuroria e Shkodrës duket se ka zbardhur detaje të reja nga vrasja e dyfishtë e ndodhur në Shkodër pak javë më parë, ku mbetën të vrarë ish-oficeri i policisë, Boran Bërcana dhe bashkëjetuesja e tij, Silvana Ndoci.

Burime nga organi i hetimit dyshojnë se mes autorit dhe viktimave ka pasur njohje, madje dyshohet se mes tyre mund të jetë shkëmbyer edhe një përshëndetje pak përpara se të mbërrinte në detinacion.

Kjo përshëndetje që prokuroria dhe policia dyshon çon në konkluzionin se Boran Bërcana dhe autori kanë pasur një njohje qoftë edhe të thjeshtë mes tyre.

Sipas ekspertëve, shënjestra e atentatit me armë ka qenë ish-oficeri i krimeve, Bercana.

Burimet shprehen se bashkëjetuesja e tij mund të jetë vrarë për shkak se edhe ajo kishte njohje me autorin.

Policia dhe prokuroria vijojnë hetimet për këtë vrasje të dyfishtë por ende deri më tani nuk ka diçka konkrete sa i përket identifikimit të autorit.