Vret ish-të dashurën dhe familjen, 25-vjeçari: “Sapo kam vrarë 5 njerëz!”

Një krim i tmerrshëm ka tronditur Austrinë. Mediat austriake raportojnë se në orët e para të mëngjesit, një 25-vjeçar ka vrarë ish-të dashurën 19-vjeçare, të dashurin e saj të ri 24-vjeç, dhe tre anëtarët e saj të familjes. 

Policia bënë të ditur se 25-vjeçari është paraqitur në polici ku është shprehur:

“Sapo kam vrarë pesë njerëz!”

Vrasësi 25 vjeçar, Andreas E. i cili mbrëmë u takua me ish-të dashurën e tij e cila ishte me të dashurin e ri, pati një konflikt por gjithçka u qetësua,  tha shefi i policisë kriminale të Tirolit, Walter Pupp.

Për fal të keq, kjo qetësi zgjati për shumë pak kohë. Andreas E. shkoi tek shtëpia e ish-të dashurës rreth orës 4:00 të mëngjesit, ku i ra derës. Ajo i hapi derën dhe i tha që gjithçka në mes tyre kishte përfunduar.

Ai iku dhe u kthye me pistoletën e të vëllait. Kur 25 vjeçari Andreas E. i ra derës rreth orës 6:00 të mëngjesit, derën i kishte hapur i ati i ish-të dashurës të cilin ai e kishte vrarë menjëherë, më pas bashkëshorten e tij dhe të birin.

Pas kësaj vrasje të trefisht, Andreas E. është futur në banesën e ndarë ku jetonte ish-e dashura me të dashurin e ri dhe i ka vrarë, sqaroi shefi i policisë duke e përshkruar vrasësin si një person të qetë i cili vjen nga rrethi i Kitzbühelit dhe nuk bëhej fjalë për një emigrant siç u raportua në fillim nga media. Madje këto familje kishin njohje prej shumë kohësh.

“Jemi të shokuar dhe thellësisht të piëklluar,” tha Kryetari i Bashkisë Kitzbühel, Klaus Winkler.