Zbardhen 6 vrasje që tronditën vendin 2021-2023, Policia: Të dyshuar, Laert Haxhiu dhe grupi i tij kriminal!

Drejtori i Përgjithshëm i Policisë, Muhamet Rrumbullaku, duke dhënë sot detaje rreth megaoperacionit, ku u lëshuan 15 urdhër arreste ndërsa u zbuluan 6 vrasje, renditi disa nga krimet që tashmë janë zbardhuar, në periudhat e ndodhura në 2021-2023.

“Janë zbardhur 6 vrasje, 3 raste të vjedhjes me dhunë, kanosjes së punonjësit të policisë si dhe zbardhjen e dy vrasjeve të kryera në tentativë. Prokuroria e Elbasanit ka lëshuar 15 urdhra ndalimi, janë ekzekutuar 12 ndërsa 3 shtetas janë shpallur në kërkim. Artan Tafani, dyshohet se ka kryer disa ngjarje kriminale, vrasje nga viti 2021-2023.”