Zbulohet raporti i Europol/ Ja si operojnë grupet kriminale shqiptare në trafikun e drogës
Mediat kolumbiane kanë botuar pjesë nga raporti i Interpol lidhur me rrjetet e trafikut të drogës. Radio Caracol transmeton se edhe droga e kapur pak ditë më parë në Spanjë ku rezultuan të përfshirë edhe dy shqiptarë po ndiqet nga Interpol, ndërsa vlerësohet se personat e përfshirë janë një rrjet shumë i rrezikshëm i trafikut të drogës dhe për të cilët punojnë disa organizata të sigurisë.
“Shumë nga anëtarët morën pjesë në luftën ballkanike dhe për këtë arsye ata vepruan me profesionalizëm ushtarak dhe u dalluan për brutalitetin dhe efektivitetin e tyre”, raporton Caracol.
Më tej në atë raport se shkruhet ish-ushtarët fitojnë besnikërinë e komuniteteve të tyre dhe anëtarëve të tyre nëpërmjet kontrollit ekonomik dhe kërcënimit për jetën.
“Duhet të theksohet se këto grupe kriminale nga vendet e Evropës Lindore karakterizohen nga mënyra e tyre e punës, bazuar në besnikërinë e anëtarëve të tyre, të cilët i menaxhojnë duke i kontrolluar familjet e tyre në Shqipëri me pagesa në para për të mbajtur ato, por në të njëjtën kohë për t’i kthyer ata në pengje”, transmeton Caracol, duke iu referuar raportit të Europol.
