Zgjedhja e Presidentit, PDK refuzon ofertën e LVV-së, Hamza: Manovër politike!
Partia Demokratike e Kosovës, PDK, ka refuzuar kërkesën e Lëvizjes Vetëvendosje për propozimin e tre kandidatëve për President të Republikës bashkë me Lidhjen Demokratike të Kosovës, LDK.
Kryetari i PDK-së, Bedri Hamza, vlerësoi se kërkesa e Lëvizjes Vetëvendosje është manovër politike.
“Ky ështe një nga propozimet e radhës me qëllim vetëm të gjejë fajtorë për të adresuar moasaftësinë e tij. Ka pasur kohë të mjaftueshme për të marrë veprimet e nevojshme jo për të tentuar me oferta të minutave të fundit. Andaj në PDK kjo çështje është e mbyllur, ështe diskutuar gjerë e gjatë, është bërë publike që përkundër rolit konstruktiv nuk kemi pasur mirëkuptim nga zotri Kurti dhe Vetëvendosje,” tha Partia Demokratike e Kosovës, Bedri Hamza, duke përfunduar:
“Për PDK-në kjo çështje është e mbyllur. Nuk është ofertë kjo. Aspak nuk është serioze.”
Ndryshe, sot Lideri i Lëvizjes Vetëvendosje dhe Kryeministri i Kosovës, Albin Kurti, duke dhënë dhe ofertën që u kosniderua si e fundit, tha se pret nga dy partitë opozitare, PDK dhe LDK, të nxjerrin tre emra jashtë skenës aktuale politike për President, dhe të zhbllokohet situata meqenëse, sipas tij, edhe një palë zgjedhje të reja nuk sjellin zgjidhje, dhe, një palë zgjedhje të reja i humbin Kosovës së paku 10 milionë euro për organizimin e tyre dhe dhjetëra miliona të tjerë që do të ishin financim nga bashkësia ndërkombëtare.
