Zgjedhjet e 14 Majit, Yuri Kim: Ka raportime për shitje-blerje votash, duhen ndërmarrë masa!
Në prag të zgjedhjeve lokale të 14 Majit, Ambasadorja e Shteteve të Bashkuara në Tiranë, Yuri Kim, tha se ka raportime për blerje dhe shitje votash ndërsa pret nga autoritetet që ndërmerren masa ndaj këtyre partive politike.
“Të gjithë që kanë të drejtë për të votuar, duhet të votojnë, kemi parë raportime për blerje dhe shitje votash dhe shpresojmë që autoritetet do të bëjnë detyrën e tyre,” tha Ambasadorja amerikane Yuri Kim duke përfunduar:
“Nëse disa po thonë se po blen vota për një parti politike, ndaj kësaj partie politike duhen ndërmarrë veprime.”
Ndryshe, reagimi i Ambasadores së SHBA në Tiranë, Yuri Kim, vjen pas arrestimit të koordinatorit të Partisë së Lirisë në Kuçovë, ndërkohë policia ka vënë në pranga dhe një grua që po blinte vota për kandidatin e partisë së Kryetarit Nënkryetar në Mallakastër, Agron Kapllanaj.
