Zgjedhjet për kryetar PD Dega Fier, Luan Baçi: Sot ka unitet, votojnë dhe ata të Kuvendit 18 Dhjetorit
Përkundër motit me reshje të mëdha shiu, sot në zgjedhjet për kryetar të PD Dega Fier, po shënohet një pjesëmarrje shumë e madhe ndërsa I Deleguari i Komisionit Rithemelimit dhe deputeti i PD për Qarkun Fier, Luan Baçi, ka dhe një unitet ndër demokratë ku pas vendimit të Gjykatës që ka pranuar ndryshimet e Statuti të miratuar në Kuvenin e 11 Dhjetorit, janë parë të votojnë dhe drejtuesit e departamenteve që kanë qenë në Kuvendin e 18 Dhjetorit.
Ndërkohë Luan Baç ka bërë të ditur se në procesin e sotëm të votimit ka filluar dhe regjistrimi elektronik ianëtarësisë PD.
“Risi me zgjedhjet e kryetarëve të degëve, është se tashmë kryetarët e degëve zgjidhen me një anëtar, një votë. Ka një fluks anëtarësh të PD-së që vijnë për të votuar, megjithëse me pak vështirësi për shkak të motit, pjesëmarrja është shumë e mirë. Procesi do vazhdojë deri në fund të ditës, deri sa të votojë dhe anëtari i fundit. Të dy kandidatët janë pjesë e strukturës aktive të PD-së. Ishin me dhjetëra kandidatët që mund të garonin.
Sot unë pashë që po vijnë këtu shumë anëtarë të PD-së, disa drejtues departamentesh që kanë qenë në Kuvendin e 18 dhjetorit, jo të 11 dhjetorit. Më është bërë qejfi shumë që i shikoj që po votojnë. Fieri ka pasur një veçanti, ka pasur një numër të vogël që kanë qenë skeptikë dhe sot janë këtu. Dega e Fierit është shumë e bashkuar,” tha deputeti i PD, Luan Baçi duke konfirmuar se edhe në zgjedhjet e djeshme në Mallkastër ishte e njejta situatë me pjesëmarrje e madhe dhe një frymë bashkëpunimi, situatë e cila u krijua pas vendimit të gjykatës ku anëtarësia është e sqaruar.
Me këtë rast Luan Baçi bëri të ditur se me votime do të ketë dhe regjistrim të anëtarësisë për shkak të ndryshimeve të shpeshta nga situata e krijuar në PD.
“Në procesin e sotëm të votimit ka filluar dhe regjistrimi elektronik i çdo anëtari të PD-së. Në këto situata të pazakonta që kemi kaluar ka pasur një ndryshim të shpeshtë të listave të anëtarësisë të PD-së, ka lëvizje të shumta, ikje masive dhe pjesa dërrmuese janë anëtarë të PD-së që largohen nga vendi nga papunësia, nga pasiguria, nga padrejtësitë që bëhen. Sot bëjmë dhe regjistrimin e anëtarësisë dhe do kemi një databazë të sigurt dhe të saktë për numrin e anëtarësisë së PD-së.”
Ndryshe, Komisioni i Organizimit të Kontrollit të Operacioneve Elektorale të Partisë Demokratike ka bërë të ditur se në garë për Kryetarin e PD Dega Fier janë Rrapi Gjika dhe Vladimir Kajolli.
Ndërkohë zgjedhje zhvillohen edhe në PD Dega Fushë Krujë ku në garë janë Agron Loka dhe Aqif Mesi dhe në PD Dega Selenicë ku në garë janë Gazmir Beqaj dhe Leonard Rakipaj.
