Zjarre të reja në Francë, 200.000 njerëz po evakuohen

Në jugperëndim të Francës zjarret janë ndezur përsëri, duke kërcënuar disa qytete, dhe autoritetet po përgatiten për evakuimin e pothuajse 200.000 njerëzve. Edhe pse situata dukej nën kontroll në fund të javës, nxehtësia ekstreme dhe erërat e forta e përkeqësuan situatën në terren.

Në të gjithë Evropën Jugore, veçanërisht në Spanjë dhe Francë, zjarrfikësit kanë luftuar me zjarret për javë të tëra që kanë shkatërruar qindra mijëra hektarë bimësi.

Mbrojtja e zonave të banimit

Një nga zjarret që është rindezur është në komunën e Saint Jean d’Illac. Shefi i zjarrfikësve Thomas Mimiaque konfirmoi se forca të mëdha janë dërguar në vendngjarje.

“Ne jemi në pjesën e pasme të zjarrit që shpërtheu të dielën rreth orës 3 të pasdites. Për shkak të kushteve të motit, ne kemi vendosur forca të konsiderueshme, të cilat janë përqendruar në shuarjen e zjarrit në pyje, por edhe në mbrojtjen parandaluese të shtëpive,” tha Thomas Mimiaque.