Zjarret në Athinë/ Apeli dëshpërues: Ju lutem, më ndihmoni për…

Zjarret që kanë përfshirë zonën e Atikës në Greqi kanë shkaktuar pamje tragjike, ku mbi 54 persona kanë humbur jetën mes flakëve, mbi 160 janë lënduar, të tjerë janë shpallur të humbur, mes tyre dhe shumë fëmijë.

Një apel për ndihmë ka ardhur edhe nga një e re greke, e cila ka shpërndarë fotot e tre personave në faqen e saj të Facebook-ut, një burri e një gruaja, dhe një vajze të vogël, duke shkruar se kanë humbur kontaktet me ta që prej orës 19:00 të ditës së djeshme.

Ajo kërkon ndihmë nga të gjithë ata të cilët mund t’i kenë parë këta tre persona në zonën e cila po vazhdon të shkrumbohet nga flakët.