Sot Kuvendi i drejtohet KQZ-së për zëvendësimin e Saimir Tahirit

Sot pritet që Parlamenti i Shqipërisë ti kërkoj zyrtarisht Komisionit Qendror të Zgjedhjeve shpalljen e mandatit vakant të deputetit të PS-së, Saimir Tahiri.

Burime nga Kuvendi bën të ditur se sot do të firmoset procedura nga Sekretari i Përgjithshëm i Parlamentit, për zëvendësimin e Saimir Tahirit, me pasuesin në listë, Spartak Braho. Ky i fundit, aktualisht është këshilltari i Kryeministrit për marrëdhëniet me Parlamentin dhe renditet i 19-ti në listën e kandidatëve të Partisë Socialiste në Qarkun e Tiranës.

Sipas Nenit 164 të Kodit Zgjedhor, “Në rastin kur deputeti deklaron në mënyrë publike përpara komisionit përkatës të Kuvendit refuzimin, për të bërë betimin ose heqjen dorë nga mandati. Në këtë rast, Kuvendi, jo më vonë se 30 ditë, njofton KQZ-në për krijimin e vakancës,” thekson Kodi I cili saktëson: “Mandati i ndërprerë i deputetit ose i anëtarit të Këshillit të Bashkisë i kalon kandidatit vijues në listë të së njëjtës parti politike, në zonën zgjedhore përkatëse.”