“Shteti voton”, Meta: Sovrani të shpreh vullnetin e lirë! Rama: Zbrisni në fushë, gjuani me votë!
Presidenti dhe Kryeministri i Shqipërisë ndonëse ideologjikisht vazhdojnë të jenë vëllezër por në sy të opinionit shfaqen si armiq, pikëpamjen për votimin e kanë të ndryshëm. Garanti i Kushtetutës, Presidenti i Republikës, Ilir Meta, thotë se votimi nuk është një e drejtë Kushtetuese, por akt patriotik, Kryeministri Edi Rama pas votimit tha se demokracia është një sport pa spektatorë dhe secili duhet të zbresë vetë në fushë dhe të gjuajë me votë!
“Erdhi kjo ditë e bekuar, e mrekullueshme. Për sovranin në kushte sa më të mira, për të shprehur vullnetin e lirë. Çdo qytetar i shqipërisë, pavarësisht se nga çka përjetuar, duhet që Republika jonë të ripërtërijë themelet e saj nëpërmjet votës së lirë,” tha Ilir Meta pasi votoi tek e Qendra e Votimit te Kopshti 31 në Tiranë, sot kur vazhdon të jetë i paqartë se kë konsideron sovran shton dhe paraqartësinë e radhës mbi votimin si e drejtë Kushtetuese:
“Barazim para ligjit na garanton vetëm barazia e votë, çdo qytetar i Shqipërisë, të votojë i lirë për alternativën që beson dhe në këto zgjedhje ka mundësi të votojë për kandidatin më të mirë. I ftoj të vapëtojnë alternativën që ato besojnë dhe të zgjedhin kandidatët më të ndershëm. Votimi nuk është një e drejtë Kushtetuese, por akt patriotik. E gjithë bota i ka sytë tek Shqipëria vetëm mbarëvajtje e mirë i këtij procesi do të thotë që Evropa do të hapë anëtarësimin. Vota të lira, qytetarët të votojnë atë që kanë në mendje e zemër.”
Ndërkohë nga Surreli, Kryeministri Edi Rama pasi votoi kishte një mesazh më njerëzor nga sa janë mësuar shqiptarët të dëgjojnë. sot është dita që të mos ushqejmë asnjë ndjenjë negative ndaj askujt që me votën e vet shpreh një opinion tjetër, tha Rama pa përmendur Like, Salih, pijanecë e kastravecë.
“Sot është një ditë shumë e bukur. Një diell fantastik dhe sot është dita që të mos ushqejmë asnjë ndjenjë negative ndaj askujt që me votën e vet shpreh një opinion tjetër. Mos ta harrojmë sot dhe asnjëherë se jemi një familje e madhe në të njëjtin atdhe dhe nga ana tjetër askush të mos harrojë se demokracia është një sport pa spektatorë dhe secili duhet të zbresë vetë në fushë dhe të gjuajë me votë,” tha Edi Rama duke përfunduar:
“Kështu që zbrisni në fushë, gjuajeni penalltinë tuaj dhe në fund fitoftë më i miri.”
