Live/ Raketa kineze po vjen drejt tokës, ja ku ndodhet…

Rrëzimi i mbetjeve të raketës kineze “Long March 5B”, që janë në një rënie të lirë drejt tokës dhe mendohet se peshojnë rreth 22 ton janë bërë makth për të gjithë banorët e atyre vendeve për të cilat u tha se mund të bie madje në Itali u alarmuan dhjetë rajone nga Mbrojtja Civile .

Ushtria amerikane, e cila po ndjek hap pas hapi raketën, tha më herët se mbetjet e raktës kineze do të bien të shtunën në orën 19:00 (me kohën Lindore) në Turkmenistan, në Azinë Qendrore (4:30 paraditen e së dielës).

Ndërkohë, teksa e gjithë bota është me sytë nga qielli, po ju sjellim një transmetim “Live” të lëvizjes së raketës kineze.

Në video, e cila ka transmetuar raketën kineze nga dita e djeshme, shihet se raketës i kanë mbetur edhe 3 orë e 17 minuta për t’u rrëzuar në tokë.

Ndërkohë Agjencia Evropiane e Hapësirës ka parashikuar një “zonë rreziku” që përfshin jugun e New Yorkut, gjithë Afrikën dhe Australinë, pjesë të Azisë, jugun e Japonisë, Spanjën, Portugalinë, Italinë dhe Greqinë. Ndërsa astrofizikanti në Qendrën e Astrofizikës në Universitetin e Harvardit, Jonathan McDowell, për CNN sqaroi dhe rrezikun e mundshëm:

“Rreziku se do të ketë ndonjë dëm ose që mund të godasë dikë është shumë i vogël, jo i papërfillshëm, mund të ndodhë, por rreziku që do t’ju godasë është tepër i vogël. Dhe kështu që nuk do të humbja një sekondë të gjumit mbi këtë kërcënim personal,” tha McDowell për CNN.