Dy Vlora i gëlltiti Rama, Liburn kthehu nga Roma!
nga Agim Popoci
Të gjithë ata që ishin skeptik mbi dyshimet për angazhimin e tre kosovarëve nga Edi Rama në tre pikat më strategjike të Sigurisë Kombëtare të Shqipërisë, më në fund u bindën se ligësia nuk ka kufi, e kur ajo është ligësi e një komunisti të Serbisë në Tiranë mbështetur nga batonë e buzhalë, ligësia merr përmasa të frikshme!
Sot tre delirantët, Behxhet Pacolli, Vlora Hyseni dhe Liburn Aliu, mund të arsyetohen për pranimin e ofertës së Edi Ramës për angazhim në shtetin shqiptar duke e idealizuar me ecjen para të “shtetit amë”, por, kur statistikat flasin për një shtet që sundohet nga krimi, droga dhe korrupsioni, marrja përsipër e Aeroportit të Vlorës, Portit të Durrësit dhe Shërbimit Sekret, në rastin më të mirë është karrierizëm dhe në rastin më real është, shërbim i domosdoshëm për Sigurimin e Shtetit. Pse?!
Ligësia që përdori Edi Rama në rastin e Aeroportit të Vlorës me biznesmenin shqiptar Behxhet Pacolli që në momentin e parë ishte i dyshimtë, duke pasur parasysh gjithë pengesat që shteti shqiptar që i vuri bizneseve të tij!
Madje, Behxhet Pacolli, ndryshe nga Vlora dhe Liburni, duke njohur mirë psikologjinë komuniste shqiptare dhe urrejtjen që ka Edi Rama për kosovarët, duhet të ishte më i rezervuar ndaj çdo investimi në shtetin e drejtuar nga krimi ose më saktë nga Sigurimi i Shtetit, të cilin Pacolli e njehë shumë më mirë se çdo kosovarë që vazhdon dhe frymon në emër të “Partisë dhe Xhaxhit Enver”!
Sikur edhe ti besojmë biznesmenit Behxhet Pacolli se qëllimi kryesor i ndërtimit të Aeroportit të Vlorës ishte që të lë një shenjë në tokën shqiptare, nuk ka njeri mbi këtë tokë që bukës i thotë bukë dhe ujit i thotë ujë, dhe nuk e dinë që ky aeroport është projektuar nga ky regjim për trafik dhe kontrabandë; Nëse ka të tillë, e këtu mund të jetë edhe Pacolli, mirë është ti drejtohen një psikologu me përvojë në trajtimin e delirantëve!
Behxhet Pacolli thotë se me Aeroportin e Vlorës kishte menduar të linte një shenjë në tokën shqiptare, dhe dëshiron që të tjerët të harrojnë se janë po këta komunistë shqiptarë me Sigurimin e Shtetit, që vepron sot më shumë se kurrë, që i bënë përdhosjen më makabre edhe njeriut që shpalli pavarësinë e shtetit shqiptar, Ismail Qemalit, duke mos lënë asnjë gjurmë nga akti i tij!
Dhe, në fund, nëse biznesmeni Behxhet Pacolli mendon vërtetë se nuk ka shqiptarë në këtë tokë që nuk ka para për ta ndërtuar një Aeroport si ky i Vlorës dhe duhet importuar paratë e një biznesmen nga Kosova, në tokën nga e cila është përmbytur Evropa me drogë dhe ishte ajo e cila u përmbytë me para të pista evropiane që duhej pastruar, situata është shumë më rënduar se sa një rast për psikologun!
Pse Aeroporti i Vlorës përfundoi në Arbitrazh kjo nuk është pyetje as për Behxhet Pacollin dhe as për Edi Ramën, por për të gjithë ato qelbësira që sollën në pushtet antishqiptarin më të madh që mbante kjo tokë shqiptare në vitin 2013, dhe, sot i dhuron shqiptarëve një faturë që do ta paguajnë për heshtjen e tyre!
Vlora e dytë, ajo e hysenëve që mori përsipër ta drejtoj Shërbimin Sekret Shqiptar është shumë më enigmatike se investimi i Pacollit në një tokë të drejtuar nga krimi!
Mund të ketë dhe budallenj që e kanë pranuar rrëfenjën e batonëve dhe buzhalëve për aftësitë e Vlora Hysenit dhe adhurimin që kanë aleatët për këtë spiune, por, ajo u shkarkua si kreu i Agjencisë kosovare të Inteligjencës sepse keqpërdori dokumente sekrete për llogari të tretëve!
Dhe, ende pa u ftohur akuzat e Presidentes së Kosovës, Vjosa Osmani, dhe Kryeministrit Albin Kurti, të cilët e shkarkuan, Vlora zuri vend në Zyrën pranë Kryeministrit të Shqipërisë, Edi Rama, si Këshilltare!
Për çfarë do ta këshillonte Vlora Hyseni, Kryeministrin Rama, kjo duhet të ishte pyetja për Vlorën e cila me dy këmbët kishte shkelur Sigurinë Kombëtare të shtetit ku ka lindur, sepse Edi Rama ishte i qartë se çfarë do të bënte me Vlorën e dytë!
Shumë shpejtë Vlora Hysenin do ta shohim në krye të shërbimit sekret shqiptar, SHISH, aty ku duhet të izolohej çdo informacion drejt kokës së Belinda Ballukut që ishte mbështetur për murin e SPAK me vjedhjet dhe korrupsionin e Qeverisë Rama, strofullat e lirisë për koordinatorin e krimit dhe qeverisë, Ergys Agasi, që filluan të mbajnë erë SPAK, dhe, trafikun e armëve të Ron Yeffet, që nuk dihen arsyet por i kishte shpërfillur konkurrentët e industrisë së armatimit në Tiranë duke u mjaftuar se ka për mik Edi Ramën!
Dhe, Vlora e batonëve dhe buzhalëve, kjo mike e madhe e aleatëve tanë, ishte e bindur se Shqipëria, kjo tokë pjellore me spiunë mbi të gjitha, na e paska nevojën për një spiune me përvojë që do të menaxhonte spiunët e një vendi që drejtohet mbi 80 vjet nga Sigurimi i Shtetit!
Sikur kjo aftësi magjike edhe të ekzistonte në qenien e shpirtit prej spiuneje të kësaj Vlore të aleatëve, ajo nuk përfilli faktin pse krimi, trafiku ndërkombëtar i drogës dhe ai i naftës ruse kishin lulëzuar me Reformën në Drejtësi ishin një kafshatë që nuk po kapërdihej nga shumë shërbime të huaja në tokën shqiptare, si do kapërdihej nga një shërbim që kontrollohet nga Edi Rama dhe Aleksandar Vuçiç!
Ndërkohë ata që e lidhën angazhimin e Vlorës pikërisht për këtë çështje me faktin se në rubinetën kryesore të krimit dhe drogës, Portin e Durrësit, e drejtonte kosovari Liburn Aliu, rrëfenja bëhet edhe më e frikshme!
Shumë shpejtë Vlora e hysenëve u amnistua nga ndihma që i jep Belës sepse u propagandua si kundërshtare e saj përderisa bythë e brekë ishte me Gysin e agasëve, por, nuk ka deri më sot as bir nëse e as bir kurve që të arsyetoj drekat e darkat me njeriun që të gjithë e njihnin se çfarë pune bënë, dhe u desht vetëm Zv/Kryeministri në kërkim Arben Ahmetaj nga alpet zvicerane të na thotë se kemi të bëjmë me koordinatorin mes krimit dhe Qeverisë Rama!
As ky fakt nuk e tronditi Vlorën e aleatëve, as të gjithë njerëzit që kishte anatemuar zotni Tigri nga Zvicra dhe SPAK-u po i vinte prangat, sepse Gysi i garantonte lirinë e pakufishme duke shijuar gllënjkën 300 euroshe të verës.
Kur Belës iu ngri buzëqeshja dhe Gysi sot nuk po e koordinon as pordhën e vetë, Vlora e dytë u ndëshkua ligësisht, siç mund të pritej nga një komunist i ardhur nga arat e përgjakshme pjellore të Spiro Kolekës!
Sot, lumi i akuzave vazhdon e vërshon mbi bëmat e Vlora Hysenit që shtrihen deri në Beograd ndërsa ajo është në “arrest shtëpie” duke pritur ditën e gjykimit, por për Edi Ramën ajo nuk është asgjë më shumë se sa një kosovare që duhej denigruar deri aty sa nuk mbanë më, ashtu siç bëri me çdo shqiptarë që vjen nga Kosova duke përfshirë dhe kryeministrat e tyre, Ramush Haradinaj, Isa Mustafa e në veçanti Hashim Thaçi me të cilin nuk u ngop deri sa e degdisi në Hagë!
Sot kur pak rëndësi ka epilogu me Behxhet Pacollin në Arbitrazh dhe Vlora Hysenin në gjykatat e Fatmir Xhafës, një gur shpëtimi jo të vogël e ka Liburn Aliu tashmë që e ka të qartë se në Portin e Durrësit më shumë ndikim ka Ergys Agasi që është në burg ose dhe arabi i Vuçiçit që sheh ëndrra me porte jahtesh, se sa ai që zyrtarisht vazhdon të quhet Drejtor i Përgjithshëm i Portit të Durrësit!
Historia e njerëzimit na mëson se liburnët u dëbuan nga Epidamni ose Durrësi i sotëm nga grekët; Kur përfunduan në Dalmaci dhe ishin të kërcënuar si nga toka ashtu edhe nga deti, liburnët iu drejtuan Romës dhe u bënë aleatët e tyre!
Sot, kjo është zgjidhja e vetme që ka dhe Liburn Aliu derisa përballë ka përveç se po ata komunistë shqiptarë që u bashkuan me serbët dhe vranë e masakruan gjithçka që merrte frymë dhe nuk ishte me Partinë Komuniste të Jugosllavisë nga Konispoli në Mitrovicë, ti drejtohet ashtu sikur se liburnët, Romës, pra, Perëndimit, sepse lumi i drogës dhe naftës ruse që futet në Portin e Durrësit nuk e ndalon dot një Drejtor që për Kryeministër ka Edi Ramën!
