KUJDES! Policia sllovene: Prej 01-31 Maj mbyllet vendkalimi kufitar Plovanija

Prej nesër deri më 31 Maj, për qarkullim vendor dhe ndërkmbëtar do të jetë i mbyllur vendkalimi kufitar në mes Kroacisë dhe Sllovenisë, Plovanija/Sečovlje, dhe lëvizja do të drejtohet nga vendkalimi Kaštel/Dragonja, ka bërë ditur policia sllovene.

Mbyllja e përkohshme, sqaron policia sllovene po bëhet për shkak të ndryshimit të konteinerit i cili shërben si Zyrë e Policisë Kufitare, dhe sërish ky vendkalim kufitar do të hapet më 1 Qershor.

Inspektori i policisë kufitare sllovene, Nikolaj Smreçnik, i ka bërë thirrje udhëtarëve që deri në hapjen e sërishme të këtij vendkalimi kufitar, para se të nisen në udhëtim të verifikojnë gjendjen në rrugë dhe kohën e pritjes në kufi, dhe nëse kanë mundësi të përzgjedhin atë vendkalim kufitar ku fluksi është më i vogël, në mënyrë që të mos krijohen radhë.