Bezos blen jahtin aq të madh, sa i duhet jahti ndihmës

Njeriu më i pasur në botë, Jeff Bezos, mësohet se po blen anijen, edhe pse fjala “anije” është e pakuptimt për superjahtin e gjatë 127 metra. Superjahti është aq masiv sa që ka dhe jahtin e vetë ndihmës me heliodrom, shkruan Bloomberg. 

Çmimi, duke mos përfshirë këtu jahtin mbështetës, vlerësohet 500 milionë dollarë amerikan, raporton CNN.

Prodhuesi holandez i jahtit luksoz Oceanco nuk ka dhënë shumë detajej mbi anijen e quajtur Project 721.

Gjysmë miliardi dollarë është një sasi e paimagjinueshme e parave për shumë njerëz, por kjo është një pjesë e vogël nga 75 miliardë dollar sa ka fituar Bezos vetëm në vitin 2020. Sipas Bloomberg, vlera e tij neto është diku rreth 200 miliardë dollar.

Aksionet e Amazon, AMZN, burimit primar të pasurisë së Bezos, janë rritur 75% vetëm vitin e kaluar, kur pandemia ka ndryshuar edhe sjelljen e konsumatorëve për llogari të kompanisë, e Wall Street ka investuar në mënyrë masive paratë në kompanitë teknologjike.

Tregu i jahteve shënon rekord të ri

Bezos nuk ishte vetëm: miliarderët amerikanë së bashku në vitin 2020 kanë fituar 1.1 bilionë dollar, gjë që i ka bërë gati për 40% më të pasur se sa ishin para pandemisë.

Bezos e ka porositur anijen shumë kohë para pandemisë, por lajmi mbi jahtin e tij ekstravagant tani është në qendër të vemendjes së një industrie e cila kishte përfitime nga lulëzimi i bursës amerikane dhe pandemisë.

Shitja e anijeve në SHBA gjatë vitit të kaluar ka arritur rekordin 13-vjeçar. “Tremujori i fundit për superjahte ishte rekord,” tha një analist për Bloomberg. Prodhuesit e jahteve ekstravagante mezi arrijnë ta përballojnë.

“E pamundur është për të zënë radhën,” tha analisti. “Të gjitha janë të rezervuara.”