Italia fiton Eurosong 2021, Shqipëria dështon me sukses
Grupi italian i rokut Mankeskin është fitues i Eurovision Song Contest 2021 me këngën “Zitti e buoni”. Në përfundim të votimit ai mori 524 pikë. “Kjo do të thotë që rroku do të jetojë” tha i entuziazmuar titullari i grupit.
Në vendin e dytë u rendit Franca ndërsa Zvicra me shqiptarin Gjon Muharremaj e treta.
Ndërsa Shqipëria me këngën “Karma”, me poezi nga Olti Curri, muzikë të Kleidi Bahiti, kënduar nga Anxhela Peristeri, u rendit në vend të 21 me 57 pikë, ku 22 i mori nga juritë e vendeve pjesëmarrëse dhe 35 pikë nga votat e publikut.
E veshur nga stilistet nga Kosova, Kujtua dhe Meri, me imazhin skenik të kujdesuar nga suedezi, Sasha Zhan Baptiste, Anxhela jonë lëshoi shpërthyese britmat e asaj drame që çon në rrënim njeriun që nuk del dot nga egoja e tij. Që ndryshe quhet Karma, të marrësh mbrapsht atë çfarë ke bërë në jetë.
Në natën finale ku Shqipëria e ka bërë gati të përhershme të arrijë të kualifikohet morën pjesë 26 vende finaliste nga 39 vendet pjesëmarrëse gjithsej. Finaliste ishin edhe: Qipro, Izraeli, Belgjika, Rusia, Malta, Portugalia, Serbia, Mbretëria e Bashkuar, Greqia, Zvicra, Islanda, Spanja, Moldavia, Gjermania, Finlanda, Bullgaria, Lituania, Ukraina, Franca, Azerbajxhani, Norvegjia, Hollanda, Italia, Suedia, San Marino.
Nën grupin Gjon Tears, shqiptari Gjon Muharremaj përfaqësoi Zvicrën si kantautor i këngës në frëngjisht, “Tous l’univers”, “Gjithe Universi” duke fituar çmimin për kompozimin më të mire, e duke u renditur në vend të parë prej jurive profesioniste me 267 pikë dhe zuri vendin e trete me 432 pike pas votive te publikut.
Europa tregoi se po e sfidon pandeminë, duke realizuar e përmbyllur me sukses Eurovizion Song Contest 2021 që u zhvillua në datat 18, 20 dhe 22 maj në Roterdam të Holandës, në prani të një publiku shumëkombësh ndonëse COVID-19 nuk la pa prekur edhe këtë Eurosong duke lënë dy anëtarë të grupit përfaqësues të Islandës pa pjesëmarrje në natën finale për shkak se rezultuan pozitivë me koronavirus.
Maneskin e ktheu Eurovisionin në Itali pas 31 vitesh. Ata ata janë artistët e tretë italianë që fitojnë konkursin evropian pas Gigliola Cinquettit në 1964 dhe Toto Cutugnos në 1990.
