VIDEO/ Shqiptarët mposhtin Serbinë, Shaqiri e Xhaka festojnë me shqiponjën…

Xherdan Shaqiri dhe Granit Xhaka, mundin Serbinë!

Dy shqiptarët që luajnë për Zvicrën ishin protagonist në fitoren e ekipit helvetik përballë serbëve, në një ndeshje që u parapri nga polemika të shumta.

Falë Shaqirit dhe Xhakës Zvicra mundi me rezultatin 2:1 Serbinë, në ndeshjen e dytë të grupit E të Kampionatit Botëror.

Xhaka spektakolar, me një eurogol nga 20 metra dhe Shaqiri i shpejtë, i pakapshëm, mposhtën serbët, shanset e të cilëve për të kaluar grupin do të varen plotësisht nga ndeshja përballë Brazilit.

Shqiptarët që luajnë me Zvicrën do të mbahen mend gjatë nga Serbia, për humbjen spektakolare që i shkaktuan në Kupën e Botës.