Pas takimit me Albin Kurtin, duke fyer Vuçiç deklaron: Në mbledhje të këtij lloji kurrë nuk kam marrë pjesë!

Presidenti i Serbisë, Aleksandar Vuçiç, pas shumë vite lojërash me dialogun Kosovë-Serbi sot zhvilloi takim me një Kryeministër të Kosovës që i thotë edhe Jo!  Nga takimi që zhvilloi sot në Bruksel doli duke fyer palën shqiptare ndërsa për Albin Kurtin tha se ka ardhur që të thotë se nuk do të bie dakord për asgjë.

Kam parë shumë papërgjegjshmëri dhe joseriozitet, tha Vuçiç dhe, sipas tij, Serbia do të jetë e angazhuar për dialog i cili do të vazhdoj deri në fund të muajit korrik.

Duke iu drejtuar mediave pas takimit në Bruksel, Vuçiç tha se në takim të këtij lloji kurrë nuk kishte marrë pjesë dhe se kjo nuk kishte kurrfarë lidhje me realitetin dhe përgjegjshmërinë.

“Nuk e di se çfarë t’iu them, të jem i sinqertë mendoj se edhe koha sa zgjati takimi tregon se cilat janë rezultatet, u arrit marrëveshja që deri në fund të muajit korrik të vazhdoj dialogu, shpresoj se kjo është një çështje e rëndësishme e cila mund të garantoj ruajtjen e paqes dhe stabilitetit, gjithçka tjetër nuk se pse të komentohet,” tha Vuçiç ndërsa për qytetarët e Serbisë tha se ka 3 lajme të rëndësishme.

“E para, delegacioni shqiptar nuk dëshiron ti zbatoj marrëveshjet që kanë firmosur, nuk duan të bisedojnë për Asociacionin e komunave serbe. E dyta, kanë kërkuar urgjentisht që menjëherë të dëgjojnë se kur do ta pranojmë Kosovën e pavarur. E treta, ta emërtojnë incident dhe provokim faktin që serbët dëshirojnë të marrin pjesë në liturgji në kishat e tyre që janë në tokën e dhënë në kohën e Millosheviçit. Isha i butë dhe nuk desha të them se kjo është jashtë realitetit, seriozitetit dhe përgjegjshmërisë,” tha Presidenti i Serbisë pas takimit me Kryeministrin e Koosvës, Albin Kurti.

Ndryshe, kjo është përballja e parë e Presidentit të Serbisë, Aleksandar Vuçiç, me Kryeministrin e Kosovës, Albin Kurti.