ONM apelon vendimin për Elisabeta Imerajn, Yuri Kim: Përgjigjja, shfaqje guximi & integriteti në dhënien e drejtësisë!

Pas rekomandimit të ONM, drejtuar Komisionerit Publik për të apeluar vendimin e KPK për Kryeprokuroren e Tiranës, Elisabeta Imeraj, ka reaguar Ambasadorja e SHBA në Tiranë, Yuri Kim, duke pritur një përgjigjje si shfaqje guximi dhe integriteti në dhënien e drejtësisë apo, siç kemi parë shumë shpesh në të kaluarën, shmangie e përpjekjeve duke sulmuar procesin e vetingut & përfolur vëzhguesit ndërkombëtarë!

“Në përputhje me rolin e tyre kushtetues në procesin e vetingut, vëzhguesit ndërkombëtarë dje u rekomanduan Komisionerëve Publikë që të apelojnë vendimin e Komisionit të Pavarur të Kualifikimit për një çështje të rëndësishme,” thekson Ambasadorja Kim përmes rrjetit social Twitter duke pritur përgjigjur ndërsa shpreson:

“Të gjithë duhet të ndjekim nga afër se çfarë do ndodhë më pas. Përgjigjja do të jetë shfaqje guximi & integriteti në dhënien e drejtësisë apo, siç kemi parë shumë shpesh në të kaluarën, shmangie e përpjekjeve duke sulmuar procesin e vetingut & përfolur vëzhguesit ndërkombëtarë?”

Në fund, Ambasadorja amerikane Yuri Kim pret guxim dhe integritet edhe nga mediat:

“A do t’i shërbejnë mediat publikut dhe ta mbulojnë këtë çështje me integritet, apo do të marrin telefonata dhe do të pranojnë të qëndrojnë të heshtur dhe të verbër? Është koha për të treguar guxim dhe integritet. Koha për të thyer modelet e vjetra që dëmtojnë Shqipërinë. Koha që Shqipëria të ecë përpara, hap pas hapi. Shtetet e Bashkuara të Amerikës do të jenë me ju.”

Ndryshe, Komisioni i Pavarur i Kualfikimit me zbardhjen e vendimit për kryeprokuroren e Tiranës, Elisabeta Imeraj, thekson se nuk ka asnjë provë apo indicje se Imeraj ka përgjuar vëzhguesin ndërkombëtar ndonëse vetë ajo i ka kushtuar një fushatë intensive mediatike kësaj çështje para se të fol KPK për të treguar se sa e pafajshme që është, dhe se është mikeshë me Kryeministrin Edi Rama.