Lapot! Pse Rama e kërkon nga Basha?!
nga Agim Popoci
Shqupi! Për shumë kohë e tha kryetari i PS, Edi Rama në ligjërimin e tij politik dhe jo vetëm, dhe shumica e anëtarëve të Partisë Demokratike, sot selisë së PD-së vetë i thonë Shqup!
Lulzim Basha flen gjumë! E tha i gjati për shumë kohë dhe sot të gjithë rivalët politikë që u ngopën me politikën e Bashës ose ndjehen të shpërfillur nga Kryetari, e thonë me zë më të lartë se Edi Rama, se Lulzim Basha flenë gjumë!
Këto shpikje propagandistike dhe shumë të tjera nga impianti i Edi Ramës janë përsëritur në çdo sekondë duke i bërë pjesë të jetës politike ndër demokratë pa e vërejtur se po bëjnë lojën e Ramës edhe kur ai nuk ia ka ngenë të merret me Partinë Demokratike.
Kështu ndodhi dhe me strategjinë e fundit të Edi Ramës për “të shpëtuar” Partinë Demokratike: Vrite Saliun!
Shumë shpejtë, kjo ide, pra mendohet për vrasjen e babait politik, u injektua ndër demokratë që nuk pushonin së menduari se të gjitha fajet i ka Sali Berisha dhe është ai që nuk e lë Lulzim Bashën ta udhëheqë partinë, duke e çuar sot deri në çështjen kryesore të debatit të politikës së ditës!
Vrite Saliun! Këtë këshillë i pari ia dha Kryetarit të PD, Lulzim Basha, rivali i tij politik dhe Kryetari i PS, Edi Rama. Shumë koka protagoniste të vitit 1991 e përqafuan këtë ide dhe e miratuan edhe me zë, duke e aktualizuar shumë më shumë në luftën e fundit për rrëzimin e Lulzim Bashës nga kreu i PD.
Pse Edi Rama nuk e vrau Fatos Nanon nuk e pyeti njeri, por me shpalljen e Sali Berishës “NON GRATA” nga Departamenti i Shtetit, ideja e vrasjes së Saliut nga Basha filloi të bëhet e zëshme edhe nga ata që shiten bashkëpunëtorë të ngushtë të Lulzim Bashës me licencën e analistit ose deputetit me ide të pavarura, duke kërkuar të paktën ngrirjen e tij!
Askush prej tyre nuk e pyeti veten se çfarë ndryshoi në PPSH dhe Shqipëri pas vrasje-vdekjes së Enver Hoxhës, dhe, pse Sali Berisha nuk e këshilloi Edi Ramën ta vras Fatos Nanon! Përgjigja gjithsesi është ndër komunistë shqiptarë!
Si kryetar i një partie kriminale që është krijuar nga serbët, Dushan Mugosha dhe Milladin Popoviç, dhe pas dashurisë së madhe që ka kultivuar me Presidentin e Serbisë, Aleksandar Vuçiç, Kryetari i PS, Edi Rama nuk ka se si të mendoj ndryshe. Për ata që nuk e dinë, sipas traditës serbe, i biri e vret babain e moshuar, të paaftë për punë, që bëhet barrë për shtëpinë, dhe njihet me emrin, Lapot.
Lapot është aplikuar në disa pjesë të Serbisë, Malit të Zi, Maqedonisë dhe Bosnjes deri në fund të shekullit XIX kur u ndalua me ligj. Deri në atë kohë, ndër serbë mendohej se kur mashkulli arrin moshën 60 vjeçare, e bëhet barrë për shtëpi, është detyrë e të birit ose nëse nuk e ka, kushëririt të parë, ta çoj në mal dhe me një ritual të caktuar ta vras duke e goditur me një shkop ose çekiç mbi bukën e cila i vendoset në kokë, që simbolizon dhe realitetin se ai nuk e meriton më as bukën, e më këtë as jetën.
Enver Hoxha si primitiv që ishte nuk e kuptoi, Ramiz Alia ngeli siç ishte, skile, e Fatos Nano ishte më praktik dhe i lehtësoi rrugëtimin e Edi Ramës drejt majave të pushtetit në momentin kur e kuptoi se edhe urinimi u bë shkencë!
Situata ndryshon shumë në PD! Si parti me vlera dhe tradita shqiptare, për të cilën flasin legjenda me Ramiz Alinë të gjithë ata që sot janë bashkëpunëtor të Partisë Socialiste dhe Edi Ramës, nuk ka arsye të aplikoj tradita serbe.
Po, kryetar të PD ishin Sali Berisha, Tritan Shehu, Eduard Selami dhe aktualisht është Lulzim Basha, por elektorati besnik nuk ka ndryshuar, ishte dhe mbeten, të përndjekurit politik antikomunist dhe pronarët e vjedhur nga regjimi komunist.
A e meriton lapotin Sali Berisha?! Kjo është një çështje që han diskutim, por kur për këtë lapot flasin ata që gjithçka që kanë në jetë e kanë nga Berisha, dhe duan që aktin ta kryej Lulzim Basha, kjo nuk mbanë erë por kutërbon!
Kryetar i Partisë Demokratike është Lulzim Basha pavarësisht se çfarë thotë Edi Rama dhe nëpërkëmbësit e tij ndërsa ata “demokratë” që tremben nga prezenca e Sali Berishës në politikë, le ta pyesin veten në momente relaksi, se si drejtohet Partia Socialiste, 36 vjet pas “largimit” të Enver Hoxhës dhe çfarë ka ndryshuar!
Ata demokratë që pas 25 Prillit janë pushtuar nga zemërimi dhe sot janë të bindur se ka ardh koha që Sali Berisha të largohet nga politika, le ta pyesin veten se sikur të fitonte PD më 25 Prill, kush do të ishte fituesi, Basha apo Berisha?!
Dhe, në fund, të gjithë së bashku, me deputetë, analistë ose jo duke përfshirë këtu dhe Lulzim Bashën, sot duhet ta kenë të qartë se “vrasjen politike” të Sali Berishës e kërkon Edi Rama pas zgjedhjeve të 25 Prillit ku u pa qartë se me shuarjen e gjeneratave protagoniste të ‘97 nuk e ndërsen më asnjë socialist me Saliun sikur çdo i dyti shqiptar të bëhet patronazhist!
Pas 75 vjetësh, mutacioni i komunistit shqiptarë ka pësuar defekt të rëndë dhe nuk ka kinez që i gjenë vaksinën. Komunistët e orëve të fundit duan mall, ose të paktën lekë!
