Nga “Foltorja” në Shkodër, Berisha: Më 25 Prill dolëm të vjedhur dhe të tradhtuar!

Pasi renditi rekordet më të zeza të qeverisë së Edi Ramës për gjendjen ekonomike dhe sociale në vend, lideri historik i Partisë Demokratike, Sali Berisha, nga “Foltorja” në Shkodër foli për masakrën zgjedhore dhe abuzimin e Edi Ramës me votën, por tha se është i bindur që zgjedhjet nuk i fitoi Partia Demokratike ndërsa konstatoi se në zgjedhjet e 25 Prillit dolëm të vjedhur dhe të tradhtuar.

Falënderoi nënkryetaret e bashkisë, kryetarët e grup seksioneve që ishin të pranishëm ndërsa të gjithë të tjerëve u bëri të qartë se nuk është çështja këtu mes Sali Berishë dhe Lulzim Bashës, por çështja është jetike për votën.

“Sot po ndalem shkurtimisht në rekordet më të zeza të kësaj qeverie. Sot regjimi 8-vjeçar i Edi Rama i katandisi shqiptarët nga qytetarët me rrogat më të larta në rajon në qytetarët me rrogat më të ulëta në rajon. Më të ulëta se Kosova. Shkodra ka njohur arrestimet më të mëdha në ‘45-‘46 nga regjimi i Enver Hoxhës. Numri më i madh i arrestimeve ka qenë në 2014 ku u arrestuan 38 mijë qytetarë për faturat e dritave dhe të ujit. Çështjet civile nuk janë penale. Një skizoid që kishte pasion hekurat dhe burgun urdhëronte çdo ditë e natë arrestime. Askund në botë nuk arrestohet, pritet drita, pritet uji, por jo burgu. Pse në 8 vite Edi Rama ndërtoi gjithsej 34 km autostradë gjysmë të përfunduara sepse 8-fishoi çmimin e punimeve publike. 15-fishoi tenderët sekretë, ndërkohë borxhi ka kaluar 62.6% që ishte në mbi 80%. Sistemi shëndetësor po shkon drejt shpartallimit dhe Shqipëria regjistron ndër rekordet më të larta të vdekjeve nga pandemia. Me qindra shkolla janë mbyllur,” tha Sali Berisha para demokratëve shkodranë duke shtuar se Shqipëria është shndërruar në delen e zezë të Ballkanit dhe Europës.

“Çdo javë dëgjoni nga një rekord të zi për shqiptarët. Në vend se të ecnim drejt BE-së, me vështirësi, por me seriozitet, pa iu lut dhe pa ia shtrirë dorën njeriu, kërkojmë vlerësim, ne zbatojmë standardet, 8 vite në vend numëro. Sot jemi 10 herë më afër me Serbinë, se sa me Gjermaninë, Italinë, Francën apo BE-në. Pse integrimi me Serbinë ka qenë problemi ynë?

Ky për t’iu kundërvënë Nismës së Berlinit të cilën kancelarja që lë detyrën tani e ndërmori me qëllimin më të mirë… cili ishte qëllimi? Kishte dhe idera që me këta ballkanasit nuk kemi punë, t’iu japim, t’i ndihmojmë por brenda s’kemi pse i fusim. Berlini, kancelarja për të larguar këtë ide krijoi këtë proces. Këta silleshin në mënyrën më të papërgjegjshme. Ajo krijonte nismën e Berlinit, ky krijonte minishengenin e Novisadit, për hegjemoninë serbe në rajon. Erdhi këtu kancelarja, përsëri ky në prani i thoshte, megjithëse ajo e mbronte nismën e Berlinit. E njëjta gjë ndodhi me Von Der Layen. Kjo tjetra solli tanket në kufi të Kosovës.

Akti i Aleksandar Vuçic, rrethimi me tanke, një aventurier, ai e dinte se nuk bënte dot gjë se kishte të bënte me NATO-n.
Kanë ndodhur të gjitha këto e megjithatë Edi Rama nis mandatin e tretë. Nis mandatin e tretë sepse opozita shqiptare kaloi këto 8 vite nga dështimi në dështim. Në qoftë se ai nisi mandatin e tretë, përgjegjësi madhore bien mbi PD-në dhe opozitën shqiptare. Ajo nuk qe e zonja të fitojë në asnjë nismë, përveç ligjit të dekriminalizimit. Asgjë tjetër në këto 8 vite. Keni dëgjuar për ndryshimet kushtetuese, por më thoni se nga cila marrëveshje me Edi Ramën ka fituar PD këto 8 vite? Të gjitha i ka fituar Edi Rama,” tha lideri historik i Partisë Demokratike nga “Foltorja” në Shkodër ndërsa u bëri thirrje deputetëve demokratë që të mos pranojnë marrëveshje pa miratim nga Këshilli Kombëtar.

“Unë këtu në emrin tuaj dua t’iu them zotërinjve, hiqni dorë nga marrëveshjet, pa miratim paraprak nga Këshilli Kombëtar i PD. PD ka forume politike, asnjë hap nuk mund të bëni. Nga marrëveshja në marrëveshje, kemi shkuar nga turpi në turp, nga disfata në disfatë. Numëruam për herë të parë në historinë e vendit, mandatin e tretë të Edi Ramës.”

Edhe sot Ish-Presidenti foli për masakrën zgjedhore dhe abuzimin e Edi Ramës me votën, por edhe në Shkodër tha se është i bindur që zgjedhjet nuk i fitoi Partia Demokratike.

“Në darkën e 25 prillit, dolën sondazhe, çfarë tregonin, vetëm 19% e atyre që kishin votuar PD-në, kishin votuar Bashën. Ishim pa udhëheqje. Të nesërmen më erdhi njeriu i tij më i afërt, më tha çfarë thua me këtë. I tregova videon në të cilën dilte se vetëm 19% e votuesve kanë votuar për kryetarin e partisë. I kisha thënë në mënyrë të përsëritur, mos e bazoni fushatën tek kryetari. Natyrisht ia thanë atij, që ai na tha se ky ishte shkaku dhe ai ishte shkaku.

Pas kësaj zotëria deklaroi masakrën zgjedhore. E thirra i them shiko, është detyra më jetike që ne tua faktojmë komuniteti ndërkombëtar të gjitha pasoja e 160 mln eurove, të cilat 120 shkuan si para të thatë në kontot e dëmtimeve nga tërmeti. 60 i shkuan bashkive për asfalt. U përdorën banda, stërbanda, drogë e me radhë. U përdorën për herë të parë patronazhistët. Më kujton një film nga Amerika Latine me Maria Feliks, mësuese ku në një proces elektoral e vranë dhe mësuesin, patronazhistët. Patronazhistët janë sistemi që erdhën pas skllavopronarisë. E njëjta gjë është, të njëjtën gjë bënte sigurimi i shtetit. Motrat e një deputeti i shkuan në mëngjes e thanë ‘vëlla nuk të votojmë dot se e fotografojnë votën nga sipër dhe na pushojnë nga puna’. Kryetari harroi votën tuaj, të qytetarëve dhe filloi të kujdesej për karrigen e tij,” tha lideri historik i PD duke konstatuar se nga zgjedhjet e 25 Prillit dolëm të vjedhur dhe të tradhtuar.

“Edi Rama na vodhi votën, pengu i tij na tradhtoi, kapitulloi, nuk mbrojti votën. Në 2001 na ndodhi një gjë e tillë dhe nuk është se e kishim klimën në favor. Një demokrat që duhet t’i jemi mirënjohës pa kufi, kapi në një klub Fatos Klosin duke i dorëzuar një qese të madhe, një vëzhguesi. Edhe unë i çoj fjalë dhe i them o ti je agjent i Klosit, o i korruptuar i Klosit, i thashë po e çele gojën për këto zgjedhje të gjitha fotot do të dalin dhe ndërmorëm me të drejtë një veprim ndërkombëtar me dokumente dhe arritëm që PE të shprehet se parlamenti i Shqipërisë nuk shpreh vullnetin e popullit shqiptar. U vu në sanksione Fatos Nano. Arritëm të shndërrohet në çështje themelore, çështja e zgjedhjeve. Kësaj radhe zero, asnjë ndryshim raporti. Për çfarë të duhet komisioni hetimor, për të gënjyer njerëzit. Të shkoje në PE, në OSBE, në kancelaritë e Europës të thoshte, ja si i mori zgjedhjet. Tani vetëm po i bën furçe atij. Ndaj kjo është fund e krye tradhti ndaj jush, ndaj shqiptarëve.”

“Foltorja”, tha Berisha në Shkodër, nuk është një çështje mes tij dhe Bashës, por bëhet për votën ndërsa u zotua se do të rikthejë PD në opozitë siç ishte.

“Ju konstatoni se në mbrojtje të peng kryetarit është vërsulur e gjithë propaganda e qeverisë. Përpiqen që të paraqesin variante nga më të ndryshmet, por e vërteta është se pengu është krejt i pashpresë. A është kjo një çështje mes Sali Berishës dhe Lulzim Bashës? Jo, nuk është! Unë kam të drejtë morale të them se kjo është një çështje mes të pabesit, besëprerit, dhe njeriut të besë. Jo nuk e them këtë. Por është një çështje themelore për pluralizmin shqiptar. Që nga themeli i PD dhe pluralizmit deri më sot, pluralizmi s’ka qenë në giotinë siç është këtë herë.

Pluralizmi politik bazohet në organizata demokratike. Partia qe përmbysi komunizmin sot ka në krye një ish-kryetar i cili deklaron se; Nuk pyes për forumet e partisë, për anëtarësinë e partisë, nuk lejoj, nuk shkon për të votuar propozimin e tij në Këshill Kombëtar sipas statutit forumin që keni zgjedhur për të marrë masa disiplinore. Nuk lejoj që të mblidhet kuvendi, nuk njoh referendumin. Kjo de-facto është asgjësim i PD-së. Sot po mos të jemi ne këtu me vendosmërinë tonë, Shqipëria ka një narkokrytar që është Edi Rama dhe një peng të tij, Lulzim Basha,” dhe ndonëse munguan Kryetarja e Bashkisë, Voltana Ademi, dhe kryetari i PD Dega Shkodër, Xhevdet Amuli, ai falënderoi këtu nënkryetaret e bashkisë, kryetarët e grup seksioneve që ishin të pranishëm, dhe ju çoj një mesazh të gjithë të tjerëve, se nuk është çështja këtu mes Sali Berishë dhe Lulzim Bashës, por çështja është jetike për votën.

“Nëse ju pranoni që kësaj partie t’i mohohet e drejta e votës, forumeve apo statuti të shkelmohet, lexoni pak dhe mendoni mirë se të tillë nuk mund të jenë kurrë qytetarë të lirë. Të tillë janë vetëm pengje, mercenarë, s’janë kurrë burrat dhe gratë që i besojnë lirisë dhe pranojnë diversitetin e mendimeve. S’kemi problem se Lulzim Basha mendon me një qëllim të caktuar për Sali Berishën, por problemi është se ai merr një vendim që se ka në tagër. S’ka guxim të pyes për Këshillin Kombëtar, për kryesinë, apo grupin parlamentar. Nuk guxon të mblidhet kuvendi. A ka mundësi ta di? Nga e morën këtë? E gjetën personazh nga Franc Kafka apo e nxorën nga…Edhe ai në diktaturë i ndiqte procedurat. I çonte në litar, por procedurat e i ndiqte me radhë. Ky nuk ndjek asnjë procedurë. Dua t’iu bëj thirrje çdo demokrati që të veprojë mbi këtë bazë. Koha është kritike. Ne duhet të bashkohemi. Ata të cilët u shprehen pas 4 humbjeve me radhë se PD duhej të shkrihej, nuk ishin antidemorkatik dhe armiqtë tanë. por e panë se me këtë drejtim kjo parti s’fiton kurrë. Që të dilte një forcë politike që të bëhet opozitë e vërtetë. Opozitë e vërtetë do të bëhemi ne. PD do të rikthehet në opozitë siç ishte.”

Ka një filozofi kjo parti, tha Berisha, duke shtuar se kjo parti u gjet në një moment të paimagjinueshëm kur iu kërkua që një ish-themelues i saj të mos hyjë në parlament.

“Kryetari mori vendim pa pyet asnjë forum. Shkelmoi sovranitetin e partisë. Ndaj edhe përpjekja për të mbrojtur sovranitetin është e pandashme për të mbrojtur dinjitetin. E vërteta është që nuk e kam sjellë unë. Unë dhashë dorëheqjen. Humba zgjedhjet, shqiptarët zgjodhën një kontratë tjetër, unë e mbylla kapitullin tim. Atë verë janë paraqitur vetëm 2 vetë. Nuk i kam kërkuar asnjë njeriu të kandidonte dhe kam qenë neutral. Basha fitoi garën se ishte kryetar i bashkisë së Tiranës. Përgjegjësia ime qëndron në mbështetjen time publike që unë i kam dhënë atij. Unë kam shumë dokumente që t’i faktoj të gjithëve që Lulzim Bashës i kam thënë të gjitha mosaprovimet. I kam kërkuar dorëheqjen në 2017-ën. Nuk e kam sulmuar publikisht. Pse? Kam evituar të ndërhyj në punët e brendshme të partisë. Projekt për rikthim nuk kisha. Të hyja pa projekt do të shkaktoja vetëm kaos. Ky ka qenë qëndrimi im. A ishte i drejtë? Po të kisha ndërhyrë ndoshta zhvillimet nuk do të ishin ato sot,” tha lideri historik i Partisë Demokratike, Sali Berisha në “Foltoren” e Shkodrës duke përfunduar:

“Por çfarë kërkon Berisha? Unë kam pasur një përplasje të madhe me George Soros dhe mendova: pse ma bënë këtë mua? Unë në këto 8 vite nuk kam një fjali duke mbrojtur interesin familjar. Unë kisha ndërmend të largohesha nëse të fitonim zgjedhjet. Vendosa të vazhdoj mbrojtjen e interesit kombëtar të shqiptarëve. Vendimi i Bashës ishte një motiv i madh për të ngritur në këmbë Partinë Demokratike, për ta çuar atë drejt fitore, Unë ju garantoj se do të bëjmë çdo gjë që ju të zgjidhni njerëzit që ju besoni më shumë, që vota juaj të numërohet në dritën e diellit. Kur Lulzim Basha kandidoi për kryetar bashkie doli problemi i votave të hedhura keq. Por ato quhen vota të vlefshme dhe filluam numërimin. Tha do rrethojmë komisionin, asgjë s’do bësh i thashë. I thashë do i numëroj votat me 5 kamera. Sigurisht votat u numëruan dhe nuk u shkoi ndërmend të luanin me votën. Ndaj do të rikthejmë votën, do të ristrukturohemi dhe do ecim të sigurt drejt fitores.”