Raporti Global Initiative, reagon PD: Shteti është kapur nga krimi i organizuar!
Pas publikimit të raportit të Global Initiative mbi indeksin e krimit dhe korrupsionit ka reaguar Partia Demokratike përmes Nënkryetares Jorida Tabaku duke konstatuar rënien e Shqipërisë dhe kapjen e shtetit nga krimi organizuar.
“Jemi vendi i parë në Europë për prodhimin dhe tregtimin e kanabisit gjithashtu jemi kthyer në rruga kyçe e kalimit edhe për kokainën dhe drogërat e tjera. Jemi të dytët në rajon në lidhje me mafian dhe krimin e organizuar duke u përkeqësuar me vitet e mëparshme,” tha Jorida Tabaku duke shtuar se aq e ngushtë është lidhja mes mafias dhe qeverisë saqë aktorë të fuqishëm pranë krimit të organizuar përfitojnë prokurime publike madje kanë dhe të deleguarit e tyre në politikë dhe parlament.
Sipas raportit, thekson Nënkryetarja e Partisë Demokratike, Jorida Tabaku, 1/3 e ekonomisë sonë është informale e mafia dhe krimi organizuar janë aq të fortë sa që mund të pastrojnë paratë në ekonominë tonë ndërsa përfundon:
“Kjo nuk është rruga se si një qeveri që aspiron për t’u integruar në BE dhe për të nisur Konferencën e Parë Ndërqeveritare mund të prezantohet në samitin për zgjerimin e BE.”
Reagimi:
– Lufta ndaj krimit të organizuar dhe korrupsionit është prioritet strategjik së pari për vendin dhe më tej për integrimin Europian të Shqipërisë.
– Nuk mund të kemi një qeverisje në shërbim të qytetarëve nëse lufta ndaj krimit të organizuar dhe korrupsionit nuk është efektive.
– Fatkeqësisht raporti i fundit i Global Initiative Network mbi indeksin e krimit dhe korrupsionit tregon rënie të Shqipërisë dhe kapje të shtetit nga krimi organizuar.
– Jemi vendi i parë në Europë për prodhimin dhe tregtimin e cannabis gjithashtu jemi kthyer në rruga kyçe e kalimit edhe për kokainën dhe drogërat e tjera.
– Jemi të dytët në rajon në lidhje me mafian dhe krimin e organizuar duke u përkeqësuar me vitet e mëparshme.
– Aq i ngushtë është lidhja mes mafias dhe qeverisë saqë aktorë të fuqishëm pranë krimit të organizuar përfitojnë prokurime publike madje kanë dhe të deleguarit e tyre në politikë dhe parlament.
– Mafia dhe krimi organizuar janë aq të fortë sa që mund të pastrojnë paratë në ekonominë tonë. Sipas raportit 1/3 e ekonomisë sonë është informale.
– Kjo nuk është rruga se si një qeveri që aspiron për t’u integruar në BE dhe për të nisur Konferencën e Parë Ndërqeveritare mund të prezantohet në samitin për zgjerimin e BE.
