Atentat në Elbasan, ekzekutohen Ardian Subashi dhe Lulzim Bitri

Në Bradashesh, afër rrethrrotullimit të luleve dyshohet se nga një automjet në lëvizje është qëlluar me armë zjarri në drejtim të dy personave këmbësorë. Si pasojë njëri prej tyre shtetasi Lulzim Bitri, rreth 35 vjeç nga Katundi i Ri Elbasan ka ndërruar jetë në vendngjarje, ndërsa personi tjetër Ardian Çollaku, ka ndërruar jetë në Spitalin Rajonal Elbasan, thekson Policia e Shtetit duke dhënë informacion zyrtar për krimin e dyfishtë në Elbasan.

“Policia ka mbërritur në vendngjarje dhe ka ngritur pika kontrolli. Në ndihmë të policisë vendore janë nisur FNSH e RENEA dhe një grup specialistësh nga Departamenti i Policisë Kriminale në PSh. Te metalurgjiku po digjet një automjet tip “Volvo”, dyshohet i autorëve. Është rrethuar zona dhe po vijon krehja për kapjen e autorëve,” njoftoi zyrtarisht Policia e Shtetit ndërkohë BW duke iu referuar burimeve nga Spitali i Elbasanit raporton se Çollaku është dërguar në Spitalin e Traumës në gjendje kome.

Mësohet se Bitri dhe Çollaku lëviznin me makine të blinduara dhe autorët, kanë pritur pikërisht momentin që ata kanë qenë në këmbë për t’i qëlluar. Pista që po hetohet aktualisht është ajo e larjeve të hesapeve

Nga atentati në fjalë, i vdekur mbeti 35-vjeçari Lulzim Bitri, që shoqëronte Çollakun, ndërsa ky i fundit ndodhet në gjendje të rëndë dhe është dërguar për mjekim të specializuar në Spitalin e Traumës në Tiranë.

Ndryshe, FNSH e RENEA vazhdojnë kontrollin në hyrje-dalje të qytetit të Elbasanit ndërsa Grupi hetimor nën drejtimin e Prokurorisë vijon punën në zbardhjen e ngjarjes, identifikimin dhe kapjen e autorëve.

Kush janë Ardian Subashi dhe Lulzim Bitri?

Ardian Subashi Çollaku, 50-vjeçarit që iu bë atentat ditën e sotme në Elbasan, nuk është një emër i panjohur për mediat. Subashi në vitin 2017-ë, u bë protagonist i një aksidenti të rëndë në qytetin e Elbasanit, ku i vdekur mbeti 35-vjeçari Ardian Rika, me profesion marangoz. Subashi që po udhëtonte me mjetin e tij luksoz “Range Rover”, i preu rrugën në mes biçikletës, duke e future 35-vjeçarin Rika poshtë rrotave të makinës.

Në momentin që ka përplasur dy makina Golf, ai ka humbur kontrollin e mjetit duke marrë përpara marangozin, e ka futur mes rrotave bashkë me biçikletën dhe aty ka ndaluar mjetin. Dëshmitarët në vendngjarje thonë se Subashi ka zbritur nga makina në ato momente dhe ka qëndruar i ulur në trotuar në gjendje shoku. Burime saktësojnë se Subashi kishte qenë i dënuar në Itali. Madje në momentin e përplasjes ai rezultonte të ishte edhe i dehur.

Arrestimi i tij u bë pasi duke drejtuar mjetin tip “Range Rover” me targa AA 404 PD, ka goditur dy mjete të parkuara duke i shkaktuar dëme materiale dhe më pas ka aksidentuar me vdekje shtetasin A.R, 35 vjeç banues në Elbasan.

Një ditë para arrestimit ai ishte shpallur në kërkim ndërkombëtar nga Interpol Tirana, pasi Gjykata e Modenas, e kishte dënuar me 23 vjet e 3 muaj e 17 ditë burgim për veprat penale të “Shfrytëzimit të prostitucionit” dhe “Prodhimit dhe mbajtjes pa leje e armëve luftarake dhe e municionit” parashikuar nga nenet 110 dhe 600 të Kodit Penal Italian. Ndërkohë Subashi ka qenë edhe subjekt i OFL  ku vitin e kaluar së bashku me 3 persona të tjerë u është kërkuar deklarimi i pasurisë.

Nga ana tjetër viktima tjetër, Lulzim Bitri ka qenë i dënuar me 4 muaj burg nga shteti maqedonas pasi ishte i përfshirë në një përplasje me armë në Tetovë në vitin 2018 ku një person mbeti i vrarë.

Lulzim Bitri, pas vuajtjes së dënimit iu ndalua hyrja prej 5 viteve në Maqedoni.

Lulzim Bitri rezulton lidhje e fortë e Talo Çelës, një nga miqtë më të afërt të tij. Talo Çela është person i shpallur në kërkim kombëtar dhe ndërkombëtar, pasi Gjykata e Posaçme i ka caktuar masën e sigurisë “Arrest në burg”, për veprat penale “Vrasja e punonjësit të policisë” kryer në bashkëpunim, mbetur në tentativë, “Vjedhja me armë e kryer në bashkëpunim”, në kuadër të grupit të strukturuar kriminal dhe “Vrasja me paramendim, kryer në bashkëpunim”.

Talo Çela akuzohet për vrasjen e vëllezërve Haxhiaj, si dhe atë të Anxhelo Avdias dhe Dorian Shkozës. Po kështu është i dyshuar për grabitjen e Rinasit.

Njoftimi Policisë: 

Në Bradashesh, afër rrethrrotullimit të luleve dyshohet se nga një automjet në lëvizje eshte qëlluar me armë zjarri në drejtim të dy personave këmbësore.

Si pasojë njëri prej tyre shtetasi Lulzim Bitri rreth 35 vjec nga Katundi i Ri Elbasan ka ndërruar jetë në vendngjarje, ndersa personi tjetër Ardian Çollaku, ka ndërruar jetë në Spitalin Rajonal Elbasan.

Policia ka mbritur në vendngjarje dhe ka ngritur pika kontrolli.

Në ndihmë të policisë vendore janë nisur Fnsh e Renea dhe një grup specialistësh nga Departamenti i Policisë Kriminale në PSh.

Te metalurgjiku po digjet një automjet tip “Volo”, dyshohet i autorëve.

Është rrethuar zona po vijon krehja për kapjen e autorëve.

Grupi hetimor nën drejtimin e Prokurorisë vijon punën për fiksimin e cdo prove ligjore që do çonte në zbardhjen e ngjarjes, identifikimin dhe kapjen e autorëve