VIDEO/ BE shtyu negociatat për 1 vit me Shqipërinë, Rama flet për esadistët…

Shqipëria humbi edhe një vit tjetër për hapjen e negociatave të anëtarësimit me BE, Kryeministri Edi Rama, nuk ka qëndruar në heshtje pas këtij dështimi.

Ndërsa në dokumentin e Këshillit Europian thuhej se Shqipëria inkurajohet të ndjekë reformat, të luftojë korrupsionin, të dialogojë me opozitën dhe i lihet hapur rruga e negociatave për në qershor 2019.

“Mbrëmë, në të njëjtat orë që Këshilli Europian postonte këtë kartolinë përgëzimi për të gjithë shqiptarët, pas dakordësisë aspak të lehtë për datën e çeljes së negociatave me Shqipërinë, esadistët e rinj të Shqipërisë hidhnin gurët e akuzave të tyre vulgare kundër qeverisë si fajtore për një dështim imagjinar në Europë!

Me lutjen që të mos u’a harroni këto shfaqje të pafundme brutaliteti kundër qëllimit tonë të përbashkët dhe vetë Shqipërisë, ju uroj një ditë të bukur”, shkruan Rama, duke postuar edhe një video.