Paloka-Ramës: Mbase je i pafajshëm o mashtrues ordiner dhe i pafytyrë
Nënkryetari demokrat i Kuvendit, Edi Paloka, përmes një komenti në rrjetet sociale ka ironizuar Kryeministrit Edi Rama.
“Mbase Rama është i pafajshëm…
Këtë zakonin e Ramës që mohon të vërteta më se evidente e kam konsideruar gjithmonë si tipar të një qënieje pa karakter, mashtrues ordiner dhe i pafytyrë”, shkruan Paloka në një postim në rrjet.
Komenti i Edi Palokës
Mbase Rama është i pafajshëm…
Këtë zakonin e Ramës që mohon të vërteta më se evidente e kam konsideruar gjithmonë si tipar të një qënieje pa karakter, mashtrues ordiner dhe i pafytyrë.
Këtë mendoja kur avionët e drogës i quante mushkonja, kur deklaronte se në Shqipëri nuk ka kanabis, kur deputetët dhe bashkiakët e tij të inkriminuar i definonte si engjej…
Këtë mendoja kur pa bërë asnjë qindarkë investim deklaronte se në qeverisjen e tij ishte investuar më shumë se në 25 vite bashkë, kur deklaron se ka arritur shifra rekord në uljen e papunësisë e të krimit…
Këtë mendova dhe dje kur brohoriti “fitore” pasi të gjithë mësuam se negociatat nuk do të hapen..!!!
Pastaj rastësia e solli që pikërisht dje të lexoja opinionet e një psikiatri të njohur për qënie me probleme psiqike si të Ramës.
Pak a shumë ai shpjegonte se të sëmuret e këtij lloji “kur nuk arrijnë të kontrollojnë realitetin ne ambjentin ku jetojnë, atëherë krijojnë në mendjen e tyre një realitet tjetër të cilin mundën ta kontrollojnë plotësisht”
Atëherë mendova që mbase kryeministri ynë është i pafajshëm… Mbase nuk është ai mashtruesi ordinere e i pafytyrë. Nuk është ajo qënie e pështirë që për interesa të tij është gati të shkatrrojë një vend e një popull .Nuk është aq i pashpirt sa c’tregon. Nuk është aq dallkauk e injorant sa shfaq me arrogancën e tij…
Ndoshta kryeministri ynë është thjeshtë i sëmurë? Ndoshta nuk duhet dërguar atje ku shumica e shqiptarëve urojnë cdo ditë . Mbase thjesht duhet mbyllur në spital psiqiatrik ?
Mbase…
Prisni kur të dalë ndonjë nga këto ditë e të thotë që Italia do fitojë kampionatin Botëror.
Në fakt Italia i ka shanset se do ketë kampionate të tjerë, kurse kryeministri ynë nuk ka asnjë shans. Nuk bëhet më…
