Për 3 kontrata korruptive 400 mln €, PD: Kjo është kapja shtetit!

Pas spektaklit të Kryeministrit Edi Rama me kryetarët e bashkive dhe prefektë me Shqipërinë plot me me plehëra, që ka nevojë për pastrim edhe nëse duhet të rriten tarifat, ka reaguar Partia Demokratike përmes Nënkryetares Jorida Tabaku duke theksuar se u mbuluan qytetet e mëdha të Shqipërisë nga tymi plehrave, për të furnizuar me kontrata të majme pronarin e Inceneratorëve dhe u rritën tarifat e pastrimit në Tiranë, Durrës, Kavajë e Shijak.

“Prandaj i njëjti person dogji ligjet dhe kushtëtutën duke ia ofruar në pjatë të florinjtë 400 mln euro përmes 3 kontratave korruptive Klodian Mirel Mërtirit të inceneratorëve. Aq frikë saqë vonon dhe ngritjen e Komisionit Hetimor të inceneratorëve me lloj-lloj pretekstesh. Kjo është kapja e shtetit!” thekson Nënkryetarja e Partisë Demokratike, Jorida Tabaku, në reagimin e saj përmes rrjetit socia Facebook duke folur për një kryeministër që drejton një shtet të kapur shndërrohet në mburojën politike të atyre qe marrin kontrata nga pushteti.

Reagimi:

Një kryeministër që drejton një shtet të kapur shndërrohet në mburojën politike të atyre qe marrin kontrata nga pushteti.

U dogjën plehrat në Fier, Durrës e Kavajë për të furnizuar me kontrata të majme pronarin e Inceneratorëve. U mbuluan qytetet e mëdha të Shqipërisë nga tymi plehrave. U rritën tarifat e pastrimit në Tiranë, Durrës, Kavajë e Shijak.

Dje doli përsëri dhe deklaroi që do të rrisë përsëri tarifat e pastrimit, që t’i çojë para inceneratorëve.

Prandaj i njëjti person dogji ligjet dhe kushtëtutën duke ia ofruar në pjatë të florinjtë 400 mln euro përmes 3 kontratave korruptive Klodian Mirel Mërtirit të inceneratorëve.

Aq frikë saqë vonon dhe ngritjen e Komisionit Hetimor të inceneratorëve me lloj-lloj pretekstesh.

Kjo është kapja e shtetit!