“Matu mirë kur flet për hajdut”, Rama: Kur ti mbledhësh 50 demokratë jashtë SHQUP, hajde flasim prapë

Akuzat e Kryetarit të PD, Lulzim Bashës, për rindërtimin kanë acaruar Kryeministrin Edi Rama i cili më nuk po shikonte atë Lulin e butë që flenë gjumë dhe me të cilin arrinë Marrëveshje më 17 Maj për të fituar Partia Socialiste. Doli në foltore për ti thënë të bëhet burrë dhe të mbrojë njerëzit e partisë së tij, sepse Rama thotë se i ka lënë rrugëve. I bëri thirrje që ta kursej duke e bërë të fortin dhe kur ti mbledhë 50 bashkë jashtë mureve të SHQUP, Rama tha se mund të flasin prapë.

Fjalën “hajdut” Rama i tha Bashës që ta gëlltisë brenda dhe e kërcënoi duke i thënë të matet mirër kur flet për hajdutëri e hajdut.

“Kanti thotë kur dikush të akuzon për diçka që s’e ke bërë, ose e ka bërë vetë, ose do e bënte po të ishte në vendin tim. Kur vihesh përballë akuzash të tilla, është barra e akuzuesit të provojë akuzën, jo e të akuzuarit të provojë atë që nuk e ka bërë, për të cilën akuzohet. Zotëria më dha një mundësi, për shkak të paaftësisë së tij proverbiale në raport me shifrat, që unë të përgjigjem thjesht: po sikur fondet e vëna në dispozicion për rindërtimin e shkollave në BE, në raport me fondet e vëna në dispozicion nga qeveria për ndërtimin e shkollave, të rezultojnë më të larta në shpenzim për investim, sesa fondet e qeverisë, çfarë duhet të bëjmë me gjithë këtë çarçaf, që sapo u var këtu në foltoren e Kuvendit? PO sikur investimet e bëra nga qeveria për shkollat, të jenë më të ulëta se investimet e bëra nga programi i BE, për të njëjtat standarde dhe kritere, çfarë i mbetet parafolësit?

Parafolësit i mbetet ajo që i ka mbetur gjithmonë në fakt, humbja! Humbja që e ka në konstitucionin e vet mënyrës së të qëndruarit në skenën politike qysh në ditën e parë. Humbja që përgatit me duart, me gjuhën dhe me qëndrimet e veta çdo ditë. E pra, mua fondet e BE Lulzim më pëlqejnë jashtëzakonisht shumë, jam shumë mirënjohës jo vetëm BE, por gjithë partnerëve që na ndihmuan, që nga Brukseli deri në Abu Dami, por po të them që në aspektin e nikoqirllëkut në shpenzimin e fondeve jam shumë mirënjohës të gjithë atyre që kanë punuar për këtë projekt, sepse kanë garantuar që ne të bëjmë më shumë me më pak. Po kështu edhe me koston e apartamenteve. Kështu që atë fjalën hajdut, që të ka mbirë në majë të gjuhës, gëlltite brenda, bëji gjuhës një kthesë, dhe herë tjetër kur nxjerrë gjuhën këtu, mate mirë kur flet për hajdutëri e hajdut, dhe mate mirë kur flet për mënyrën si shpërndahen paratë, kur flet për rrath të afërmish që merren me ndarjen e indurgjencave, duke shfrytëzuar zyrën e kryebashiakut. Bëhu burrë njëherë, se të ka ardhur rasti të bëhesh, por s’po e shfrytëzon.”

Edhe me këtë rast Edi Rama përsëriti se sa km dhe sa njerëz ka takuar për shkak të detyrës, nuk i kanë takuar bashkë të tërë kryeministrat, që nga formimi i shtetit shqiptar, ndërsa Lulzim Basha nuk takon dot njerëzit e partisë së tijë.

“Të jesh pranë njerëzve është ajo që ti nuk e mëson dot, se je vonë, po të paktën dilu zot atyre njerëzve tu se i ke dhe 95% e mos i lër rrugëve. Mos hajde këtu të bësh leksione morali, mos hajde këtu të ndysh shtëpitë e shqiptarëve, sa herë del, ul e ngrit hajduta e bosa, se nuk ka ta borxh njeri Lulzim. Arsyeja pse ti nuk fiton nuk janë as kriminelët, as bosët, as gjithë ato që ti rendit, por je ti, sepse me këtë mënyrë të folur nuk të beson askush. Ti gënjen veten tënde. Ndrysho sa nuk është vonë. Unë jam këtu për të respektuar këtë institucion, këtë përgjegjësi që kemi marrë bashkërisht, për të respektuar edhe ty bashkë me partinë tënde, por që kjo parti është më e bukura e lindjes, ‘give mi a brake’. Ti mund të jesh mister lindja, por lind më në fund, lind e mos vazhdo të flasësh sikur je akoma në pelenat e mjekut. Bëhu burrë e mos hajde këtu me dëngla, me akuza, me shpifje, baltë e llum, por hajde me argumente.”

Në fund, Kryeministri Edi Rama i bëri të qartë Lulzim Bashës se do ta takoj kur ai të arrijë ti mbledhë jashtë selisë së Partisë Demokratike, 50 demokratë:

“Pse rrinë në çadra ata? Rrinë jo se i kemi lënë ne. Por ata rrinë në çadra e punojnë, ndryshe nga ty e nxjerrin bukën me puën e tyre dhe jo si ty nga të tjerët. Ata po bëjnë atë që ti në fakt ke bërë sikur e ke bërë. Ata rrinë në çadra se e kanë larg tokën, fermën, nga zona ku janë apartamentet. Ti kur i qan hallin popullit, mban një erë hipokrizie, që edhe këta që janë këtu dhe ata andej e kanë të vështirë që të përballojnë se dhe këta e kanë gënjyer veten se ti je lideri. Ata gdhihen dhe ngrysen nëse ti apo jo lider. Kjo nuk është puna ime. Puna ime është që të të kujtoj ty se kur vjen këtu dhe bën të fortin, e para mëso se ça ke bërë. E di gjithë Tirana, e gjithë Shqipëria, mendoj se sa shumë gjëra di Tirana dhe Shqipëria për ty. Mendoji dhe këto dhe fiksohu te faktet dhe argumentet. Ka shumë fakte të cilat flasin se pse qeveria nuk është në lartësinë e duhur. Ka shumë argumente që mund të trajtohen në mënyrë civile. Po këto që del ti dhe bën të fortin, na i kurse këto. Mos e përsërit më nëse e provon që të jesh në gjendje kur ti mbledhësh 50 bashkë jashtë mureve të SHQUP, hajde flasim prapë se si rrihet pranë njerëzve eh të keqën vëllai se të kam xhan.”