Shuhet Qani Sadiku! Basha mesazh ngushëllimi

Shuhet Qani Sadiku! Me ndarjen nga jeta e simbolit të qëndresës antikomuniste ka reaguar përmes një mesazhi, Kryetari i Partisë Demokratike, Lulzim Basha.

“Me trishtim mora lajmin e ndarjes së parakohshme të z. Qani Sadiku, legjendë e qëndresës antikomuniste brenda dhe jashtë burgut politik të diktaturës. Ngushëllimet më të ndjera familjarëve, miqve dhe bashkëvuajtësve për këtë humbje,” shprehet Lulzim Basha në mesazhin e tij duke përfunduar:

“U prehtë në paqe e i paharruar kujtimi i tij!”

Ndryshe, Qani Beqo Sadiku me origjinë nga fshati Markat i Sarandës, pas tre vite të internimit në Borsh është arrestuar në korrikun e vitit 1975 duke vuajtur 17 vite në burgjet e regjimit komunist të Enver Hoxhës. U lirua me të burgosurit e fundit në marsin e vitit 1991.

Luftën me komunizmin Qani Sadiku e vazhdoi edhe në 30 vitet e tranzicionit deri sa një sëmundje e rëndë i mori jetën.