Mandati i Vettingut, flet “Venecia”: Zgjatja deri më 31.12.2021, në përputhje me standardet evropiane

Pas kërkesës së Parlamentit të Shqipërisë drejtuar Komisionit të Venecias për një opinion lidhur me zgjatjen e mandatit të organeve të vettingut, “Venecia” vjen në konkluzionin se zgjatja e mandatit të Komisionit të Pavarur të Kualifikimit dhe Komisionerit Publik, deri më 31 dhjetor 2024, është në përputhje me standardet ndërkombëtare.

“Komisioni arrin në përfundimin se zgjatja e propozuar e mandatit deri më 31 dhjetor 2024 mund të konsiderohet se është në përputhje me standardet evropiane. Komisioni i Venecias qëndron në dispozicion të autoriteteve shqiptare për më tej ndihmë në këtë çështje,” thuhet në draft opinionin e Komisionit të Venecias .

Pas debatit të hapur mes mazhorancës dhe opozitës lidhur me zgjatjen e mandatit të organeve të vettingut, tashmë pritet publikimi i opinionit përfundimtar të Komisionit të Venecias, i cili pritet të miratohet në seancën parlamentare të datës 10 dhjetor.

Ndryshe, duke kërkuar zgjatjen e mandatit të organeve të vettingut, mazhoranca është shprehur se qëllimi i ndryshimit të Kushtetutës është që të gjithë magjistratët, gjyqtarë dhe prokurorë t’i nënshtrohen të njëjtit standard kontrolli, pasi kalimi i verifikimit tek KLGJ e KLP do sillte ndryshim të metodologjisë së punës, madje dhe konfliktit të interesi.

Në këto kushte pritet dhe reagimi i opozitës, pasi vettingu deri më sot i ka shërbyer mazhorancës vetëm për të spastruar sistemin e drejtësisë nga rivalët politik.