8 Dhjetori 1990, Basha: Dita që ndau të shkuarën nga e ardhmja!
8 Dhjetori 1990, është dita që ndau të shkuarën nga e ardhmja dhe ndryshoi përgjithmonë historinë e Shqipërisë, thekson Kryetari i Partisë Demokratike, Lulzim Basha, në urimin e tij duke shtuar se thirrja për Shqipërinë si gjithë Europa mbetet një kushtrim për të përmbushur amanetin e të rinjve dhe të rejave që sakrifikuan për liri e demokraci.
“31 vite më vonë, thirrja për Shqipërinë si gjithë Europa mbetet një kushtrim për të përmbushur amanetin e të rinjve dhe të rejave që sakrifikuan për liri e demokraci, si dhe për të mbajtur gjallë forcën, guximin dhe idealet e Dhjetorit ‘90, përballë një tjetër diktature, që po varfëron dhe largon bijtë dhe bijat e shqiptarëve, atë të korrupsionit,” shprehet Lulzim Basha në urimin e tij përmes rrjetit social Facebook duke përfunduar:
“Gëzuar 8 Dhjetorin!”
Në orën 11:00, Kryetari i Partisë Demokratike, Lulzim Basha, do të mbajë fjalën në aktivitetin për Ditën e Rinisë, “8 DHJETORI, përmes veprave të autorëve”, organizuar nga Fondacioni për Liri dhe Demokraci, FLD, aktivitet i cili zhvillohet tek ArTurbina.
