Kuvendi Kombëtar i PD, fillimisht një leksion transparence për Conchitën dhe shefin e tij

Kuvendi Kombëtar i PD i cili u thirrë nga “Foltorja” fillimisht i dha një leksion transparence për pjesëmarrje pas daljes së turpshme të Sekretarit të Përgjithshëm, Gamznet Bardhi, mbrëmë me emrat e delegatëve të 18 Dhjetorit ku lista nuk përkon as me numrin e delegatëve nga ai i Kuvendit të muajit korrik.

Kështu, kartat e delegatëve të Kuvendit të sotëm me bar-code mund të shihen në kohë reale përmes një ekrani të madh që tashmë ka kaluar 50% ndërsa bar-codet janë ata që i japin mundësi çdo të interesuari të konfirmojnë emrat.

Kjo transparencë duhet ti shërbej kryesisht Sekretarit të Përgjithshëm të PD i cili pasi lexoi mbrëmë emrave e firmëtarve pjesëmarrës për Kuvendin e 18 dhjetorit u konfirmua nga Syri TV që jo vetëm emrat por ai ka manipuluar edhe numrat e dleegatëve. Kështu:

Dega e Partisë Demokratike të Lezhës në Kuvendin Kombetar të muajit korrik ka patur 168 delegatë, por mbrëmë rezultuan të kenë firmosur 258 delegatë që i bie të jenë manipuluar 90 mandate delegatësh vetëm për degën e Lezhës.

Shkodrës në Kuvendin e 17 korrikut ka patur 275 delegatë, por nga leximi i Bardhi rezultojnë të kenë firmosur 389 delegatë, pra manipulim me plot 114 mandate. 

Në degën e Durrësit në Kuvendin e korrikut kanë qenë 243 delegatë, por u lexuan emrat e 308 delegatëve të pretenduar, pra manipulimi është në nivelin e 65 mandateve. 

Bardhi për disa emra tha se i kishte lexuar gabim ndryshe kur proklamoi një firmëtare që përgënjeshtroi firmën për “Foltore” ndërsa përgënjeshtroi disa emra individësh.