Berisha në selinë e PD, Basha i errësuar: Komunist, si në ’97, 21 janar…

Me përfundimin e mbledhjes së Komisionit të Rithemelimit të Partisë Demokratike, Kryetari i shkarkuar i PD, Lulzim Basha, nuk dihet se pse i ishin errësuar sytë dhe goja i ishte shthurrur por nga ajo gojë u dëgjua se ngjarja e sotme ishte si 21 Janarin por u mburrë se sot ai i priti ndryshe nga Sali Berisha kur u vranë 4 protestues.

Nga po kjo gojë u dëgjua se Sali Berisha ishte komunist e kriminel si në vitin e tmerrshëm 1997, për 21 Janarin shfajësoi Edi Ramën dhe si organizator përmendi Tom Doshin, dhe këtij njeriu që nga goja nuk i del dot respektimi i Statutit, Suel Çela nuk i bie dot nga kjo gojë që sot ndoti vetëm Partinë Demokratike por dhe gjithë ata delegatë që mendojnë ndryshe nga ai dhe u shfaqën më 11 Dhjetor në Kuvend, të cilin e qujati Arenë e Hajnisë.

“Nuk ja fal kurrë si demokrat, si qytetar si prind i dy fëmijëve. Berisha është bërë një barrë për demokratët dhe PD është një tub oksigjeni i Edi Ramës dhe është bërë pengesë serioze për luftën tonë opozitare. Asnjë lloj force apo personat që kishte ardhur, njerëz kriminal që i njeh gjithë Tiranë., baron të drogës dhe ushtarë të tyre. Asnjë forcë nuk mund t’i imponohet PD-së. Sali Berisha ka themeluar një organizatë anti-amerikane dhe ka ndër mend të thyerje traditën ku deri më sot nuk ka ekzistuar një e tillë. Pa amerikanët nuk do të arrinin dot as të kthenim mbrapsht gjenocidin e Kosovë dhe as të futeshim në NATO. Pa ta nuk do të arrinin marrëveshjen e Ohrit. Pa SHBA dhe BE, përfshirë edhe Britaninë e Madhe ky komb do të kishte fat ndryshe.

Shqiptarët nuk e meritojnë Edi Ramën dhe kjo mund të ndryshojë vetëm nëse ne bashkohemi. Sot pamë një njeri të frikësuar nga Kuvendi i 18 dhjetorit. Vetëm ai e ka frikë. Demokratët po presin që bashkimi i madh të japë një përgjigje të qartë dhe të presë po ashtu edhe një mesazh Kombit shqiptar për të nesërmen, Ne e dimë rrugën me të cilën do të drejtojmë këtë vend. Ne këtë do të bëjmë së bashku dhe do ta shpalosim në një Kuvende të madh që do të jetë me lirinë e shprehjes dhe pa falsitet,” tha Lulzim Basha duke akuzuar Berishën se sot ai zgjodhi në rrugë pa kthim si një ish-komunist që është gati të thërrmojë PD-në për interesat e tij.

“Duke u përpjekur të fshihen nga non grata, sot u përpoq të fshihej brenda PD-së. Ne qëndruam të qetë pasi ishim në një takim të zgjeruar punes për rininë dhe LDG-në. Vendosëm të mos biem pre e provokimit pasi për ne e para është Shqipëria dhe PD. Berisha po përpiqet të shkatërrojë PD-në pasi nuk mund ta përdorë më atë. Kjo është pamja e një humbësi që mundohet të shfaqet si një fitore. Kjo që bëri sot është rruga pa kthim që zgjodhi.  Berisha si një ish-kominist është gati të thërrmojë edhe PD-në vetëm për interesin e tij personal. Puc institucional i tentuar me 11 dhjetor e kupton se sot Berisha është problemi i PD-së. Ne do ta lëmë pas si pakicë e dëshpëruar duke mos pasur mundësi marrjen peng të PD-së dhe demokratëve.”

Dhe jo vetëm kaq! Kryetari i shkarkuar i Partisë Demokratike, Lulzim Basha, vazhdoi me akuzat që me vete kishte marrë në seli njerëz me precedentë, që i kishte kujtuar liderit të Gazment Bardhit vitin1997.

“Kjo është një situatë jashtëzakonisht e vështirë. Përballë njerëzve me precedentë kriminale që solli Sali Berisha, duke na kujtuar 97, me zellin e pangordhur të një ish-komunisti. Me gjithën e mashtrimeve dhe gënjeshtrave dhe me shpresën e vdekur se mund të marrë peng PD. Apo t’i kthejë ata në një batalion non-grata të vetes dhe familjes ë tij non-grata nga SHBA.”

E për 21 Janarin e vitit 2011, turp dhe vetëm turp:

“Skenari i sotëm ishte skenar provokimi, kopjoi skenarin e Tom Doshit në 21 Janar, por unë nuk iu përgjigja, sikur iu përgjigja Sali Berisha në 21 Janar.”

Kjo që ndodhi në selinë e PD, tha Basha, ishte spektakël i shëmtuar i së kaluarës.

“Shkaku i kësaj sjellje dihet fare mirë. Dje është mbledhur Këshilli Kombëtar. Berisha s’ka lënë ish-kryetar pa rrahur, pa i thyer dhëmbët,” tha Basha dhe ndonëse gazetarët që kishte përballë dhe Kryesinë e shkarkuar menduan se harroi Suel Çelën , duke sqaruar pse kishte vënë brava të reja në zyret e të pabindurëve shtoi:

“Nuk merret kryetari i PD-së me bravat, Ndoshta se syri merret Sali Berisha me bravat. Unë s’di të rregulloj asnjë bravë. S’jam unë njeriu i bravave në PD. Ka dokumente dhe qëndrime zyrtare të PD duke parashikuar se trekëndëshi i Bermudës do të bënte skenar të tillë, se as PD as kërkon dhe as pranon që një polici i vetëm, me apo pa uniformë, që i kanë përdorur kundër nesh, që të vendoset mes demokratëve. Ky ka qenë dhe ngelet qëndrimi im.

Suel Çela është një kriminel që mund të frikësojë Sali Berishën, po jo mua. Njerëz që rrinë afër tij, por jo mua. Suel Çelës ia ka harruar emrin Sali Berisha, Aqif Rakipit dhe Tom Doshit. Ata thanë; ishim ne me armë, ndërkohë erdhi ai. Ai e ka humbur çdo sens. Tre persona që kanë ndryshuar simbolet e PD, organizatorët e lartë, do të përgjigjen në SPAK. Ne na vjen turp që do t’i zëvendësojmë me njerëz të tjerë. Ai që tha një të vërtetë të madhe e dimë fare mirë,” tha trimi i madh Lulzim Basha që në fund foli dhe për Kuvendin e 11 Dhjetorit që sipas tij është Arena e Hajnisë:

“Mua më ka stresuar fakti që nuk po bëj 100% punën time. Këtu 100% e energjive të mia duhet të ishin në përballjen, publike, mediatike, protesta ndaj Edi Ramës. Ka 3 muaj që Edi Rama bredh i qetë me tubin e oksigjenit me vete. Një pjesë e mediave janë pjesë e një konglomerati, të varura nga oligrakia që të mos dalin të vërtetat e qeverisë dhe zyrtarëve të saj. Gjylameti i thotë Alibejt deri me 11 do jesh këtu ku burri i Blerina Gjylameti së bashku me nje kompani italianë me TV Klan kanë sjellë atë skenë në  “Arenën e Hajnisë”.  Këta kujtojnë se janë ata që kanë qenë dh e jemi fëmijë që i shkojmë pas siç kemi bërë dikur. Nuk jam unë 17 vjeç . Ne jemi PD, ti je e shkuara dhe ti zgjodhe ta mbyllje me turp.”

Në fund, meqë nuk e tha as edhe një togfjalësh me mend, paralajmëroi dhe shpalljen NON GRATA të Metës dhe Ramës:

“Me Berishën po konkurrojnë me sukses dy brinjë të tjerë të Trekëndëshit të Bermudës për tu shpallur non-grata. Ky është edhe meraku i Ramës. Ai Sali Berishën e tundte. Po ashtu edhe Ilir Metën, sepse ato mbanin njëri-tjetrin. Konkurrencën e kanë me njëri-tjetrin. Ndoshta dikush duhet tjetër duhet të ishte shpallur i pari non-grata. Sa më shpejt t’i heqim qafe aq më mirë do të jetë. Nuk ka konkurrencë mes meje dhe Berishës. Por deri tani ‘non grata’ është Berisha , kjo nuk më jep kënaqësi, por ky është vetëm fillimi. Unë kur kam marrë përgjegjësinë e PD-së.  Këtyre kur u leverdis thonë ky është diktator, kur nuk u leverdis thonë fle gjumë. Sa i përket diktatorit është qesharake. PD nën drejtimin kam jetësuar në statut zbatimin e konkurrencës së brendshme, të shpërndarjes së pushteteve”, tha Lulzim Basha me shpresën tek 18 Dhjetorit, për tcilë akuzoi Sali Berishën se erdhi në selinë e PD-së me njerëz kriminel sepse ishte frikësuar nga Kuvendi i 18 Dhjetorit.