Më 20 Dhjetor, Berisha: Protestë Kombëtare kundër Ballkanit Hapur dhe Vuçiç në Tiranë

Më 20 Dhjetor do të mbahet Protestë Kombëtare kundër Ballkanit Hapur dhe Presidentit të Serbisë, Aleksandar Vuçiç në Tiranë. Ky është lajmi i vetëm që dëgjuan shqiptarët nga lideri historik i Partisë, Sali Berisha, ndonëse si ai ashtu dhe kryetari i shkarkuar i PD, Lulzim Basha, përballë 8 gazetarëve rilindas në dy emisione të ndryshme televizive ndërsa u morën në pyetje për çështjet e të ardhmes së demokratëve që duan të dëgjojnë socialistët nuk thanë asgjë tjetër të re pasi shumë prej atyre gjërave si Berisha ashtu dhe Basha i kishin artikuluar në daljet e tyre publike.

Meqë gazetarët si pjesë e strukturave socialiste nuk kanë njohuri për çështjen kombëtare dhe kishin vërejtje për konservatorizmin e anonçuar të Sali Berishës në Foltore, kur ishte Presidenti Trump dhe Ambasadori Grenell ata që donin ta ndanin Kosovën, lideri historik i PD pasi sqaroi se nuk ishte ideja e tyre si ndarja ashtu dhe Ballkani i Hapur, shtoi se në ditën kur do të mbahet takimi i radhës në Tiranë dhe do të vijë edhe Presidenti i Serbisë, Aleksandar Vuçiç, më 20 Dhjetor, do të mbahet Protestë Kombëtare:

“Ka qëllime kryesore, kundër Ballkanit të Hapur. Së dyti, protesta e vjedhjes kombëtare. E kisha paralajmëruar Millosheviçin e ri që të mos vijë në Tiranë,” tha Sali Berisha duke sqaruar “korbat e kuq” që iu vërsulën me pyetjen pse më 20 Dhjetor dhe çfarë do të ndodhë me Referendumin e 18 Dhjetorit dhe Kuvendin e Bashës, se vendimi për këtë protestë u mor pasi sot u bë e ditur se më 20 Dhjetor do të mbahet takimi i radhës së iniciativës Ballkani i Hapur.