Prezantohet Kompleksi Arkivor Shkozë

Drejtoria e Përgjithshme e Arkivave tashmë ka ambiente të reja në Vendruajtjen e Arkivave në Shkozë, kompleks ky arkivor ku ruhet historia jonë, dokumente e materiale të çmuara për historiografinë shqiptare, për çdo studiues e historian, për të cilët, këto arkiva është burim i madh i punës së tyre.

Në ceremoninë e inaugurimit, të pranishmëve iu drejtua Drejtori i Përgjithshëm i Arkivave, Ardit Bido, i cili foli për punën e bërë, e më pas për një fjalë përshëndetëse u ftuan edhe historiana Valentina Duka, ish-drejtori i DPA, Gjetë Ndoj, ish-drejtorja e AQSH-së, Kalipoi Naska, kryeshefi i Agjencisë Shtetërore të Arkivave të Kosovës, Bedri Zyberaj si dhe drejtori i Institutit të Trashëgimisë Shpirtërore e Kulturore të Shqiptarëve në Shkup, Skënder Asani.

Veç prezantimit fizik të objektit për të gjithë të ftuarit u shfaq edhe një video e shkutër për punën e bërë në kompleksin arkivor, jo vetëm të Shkozës, por edhe në qytete të tjera, disa prej të cilave janë ende në fazë rikonstruksioni.