Parashikimi i motit për datë 27 Dhjetor, ja çfarë pritet

Parashikimi i motit për datë 27 Dhjetor:

Sot priten reshje intensive deri lokalisht shumë intensive në qarqet Shkodër, Kukës, Vlorë dhe Gjirokastër, lokalisht intensive në qarqet Dibër, Lezhë, Tiranë dhe Elbasan dhe mesatare në qarqet e tjerë.

Sipas llogaritjeve të IGJEO, në qarqet Shkodër, Kukës, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në po këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve.

Përgjatë datave 27 deri 29 Dhjetor 2021 pritet një rritje e prurjeve në lumenjtë Drin-Buna, Vjosa dhe Liqenin e Shkodrës. Prurjet më të larta pritet të jenë në datën 27 në lumenjtë Drin-Buna dhe në datën 28 në lumin Vjosa.

Reshjet do të shoqërohen me shtrëngata pothuajse në të gjithë qarqet.

Era pritet të fryjë e lehtë deri mesatare, veçanërisht në bregdet dhe veri të vendit.

Temperaturat minimale dhe maksimale:

Në bregdet: 12 / 14 °C

Në vendet e ulëta: 11 / 12 °C

Në vendet malore: 6 / 9 °C