Elon Musk hedh poshtë pretendimet se po pushton Hapësirën
Pronari i kompanisë, SpaceX, Elon Musk ka hedhur poshtë pretendimet se projekti i tij satelitor për shërbime të internetit, Starlink, është duke zënë shumë vend në Hapësirë.
“Dhjetëra miliarda” satelitë mund të vendosen në orbita afër Tokës, tha ai për të përditshmen, Financial Times.
Komentet e tij vijnë pas pretendimit të Josef Aschbacher, udhëheqësit të Agjencisë Evropiane të Hapësirës se Musk është duke “krijuar rregullat” për industrinë komerciale në Hapësirë.
Këtë javë Kina është ankuar se stacioni saj hapësinor është detyruar të shmangë përplasjet me satelitët e Starlink.
“Hapësira është jashtëzakonisht e madhe dhe satelitët janë shumë të vegjël,” tha Musk gjatë një interviste duke mos pranuar as sugjerimin se projekti i tij për shërbime të internetit në Hapësirë është duke penguar hyrjen e konkurrentëve në industrinë satelitore, duke thënë se ka vend për të gjithë.
“Nuk jemi në situatë që të bllokojmë të tjerët. Ne nuk po bllokojmë askënd dhe as nuk po pretendojmë të veprojmë ashtu,” tha ai duke shtuar
“Mijëra satelitë nuk janë asgjë. Janë sikurse disa mijëra makina në Tokë.”
SpaceX, raporton RFE, ka lansuar rreth 1.900 satelitë në Hapësirë, në kuadër të projektit Starlink dhe planifikon të nisë edhe mijëra tjerë në të ardhmen.
