OBSH: Po futemi në një periudhë të gjatë paqeje të pandemisë

Drejtori i Organizatës Botërore të Shëndetësisë, OBSH, për Evropën tha se kontinenti së shpejti do të futet në një periudhë të gjatë paqeje të pandemisë së koronavirusit.

Dr.Hans Kluge tha se niveli i lartë i vaksinimit, fundi i dimrit dhe natyrën më pak të rëndë të Omicronit janë arsye për optimizëm, raporton BBC.

“Këtë periudhë të mbrojtjes më të madhe duhet ta shohim si ‘armëpushim’ i cili mund të na sjellë paqen e përhershme.”

Ky pralajmërim vjen pasi shtete të shumëta evropiane po heqin të gjitha masat epidemiologjike. Në fillim të javës, Danimarka u bë vendi i parë në Bashkimin Europian i cili hoqi të gjitha masat duke përfshirë dhe heqjen e maskës. Norvegjia githashtu paralajmëroi heqjen e masave ndërsa sot Suedia paralajmëroi heqjen e masave me 9 Shkurt.

“Pandemia nuk ka përfunduar, por po futemi në një fazë plotësisht të re,” tha Kryeministrja e Suedisë, Magdalena Andersson.

Doktor Kluge nga OBSH i bëri sot thirrje të gjitha kombeve të Evropës që të vazhdojnë me fushatat e tyre të vaksinimit. Por, tha se është i bindur se kontinenti do të jetë më mirë edhe me variantin më viral se sa Omicroni.

“Besoj se është e mundshme që të përgjigjemi në variante të reja që padyshim se do të paraqiten pa zbatimin e masave të reja për të cilat më parë kishim nevojë,” tha Kluge duke shtuar se vetëm javën e kaluar në gjithë Evropën janë zbuluar rreth 12 milionë raste të reja me koronavirus, që është dhe numri më i madh i shënuar, por zyrtarët nuk vërejtën rritjen e dukshme të numrit të atyre që e kanë të domosdoshme kujdesin intensiv spitalor.

Në fund, Drejtori për Evropën pranë OBSH, Dr.Hans Kluge, bëri thirrje për përgjegjësi individuale, mbrojtjen e vazhdueshme të grupimeve të ndryshme dhe atë që ai e ka përshkruar si “rritje drastike dhe e pakompromis e ndarjes së vaksinave jashtë kufijve” në mënyrë që të ndihmohet mbrojtja në gjithë botën.