Sanksione të reja për Rusinë, Biden: Putin e zgjodhi këtë luftë!

 Presidenti Joe Biden bëri publik nga Shtëpia e Bardhë 4 sanksionet e vendosura ndaj shtetit rus pas sulmit ndaj Ukrainës duke e bërë të qartë se do të ketë kufizime të tjera në rast të një pushtimi në shkallë të gjerë duke akuzuar udhëheqësin rus Vladimir Putin se e zgjodhi këtë luftë.

“Kjo do të imponojë kosto të rënda në ekonominë ruse, si menjëherë ashtu edhe me kalimin e kohës. Ne i kemi projektuar qëllimisht këto sanksione për të maksimizuar një ndikim afatgjatë mbi Rusinë dhe për të minimizuar ndikimin mbi Shtetet e Bashkuara dhe aleatët tanë,” tha Biden duke shtuar se 27 anëtaret e BE-së dhe anëtarët e G7 do të marrin pjesë në këto sanksione.

Me këtë rast ai shpalli këto sanksione:

1. Kufizoni aftësinë e Rusisë për të bërë biznes në dollarë, euro, paund dhe jen për të qenë pjesë e ekonomisë globale.

2. Ndaloni aftësinë për të financuar dhe rritur ushtrinë ruse.

3. Dëmtoni aftësinë e tyre për të konkurruar në ekonominë e shekullit të 21-të të teknologjisë së lartë.

4. SHBA sanksionoi bankat ruse që së bashku mbajnë rreth 1 trilion dollarë aktive.

Ai shtoi, “ne po bllokojmë edhe katër banka të tjera të mëdha. Kjo do të thotë se çdo aset që ata kanë në Amerikë do të ngrihet.”

Sanksionet kanë në objektiv bankat ruse, oligarkët dhe sektorët e teknologjisë së lartë, tha Presidenti Biden. Shtetet e Bashkuara dhe vendet aleate do të bllokojnë asetet e katër bankave të mëdha ruse, do të vendosin mekanizma kontrolli ndaj eksporteve dhe do të vendosin sanksione ndaj oligarkëve.

Masat ndëshkimore i përmbahen këmbënguljes së mëparshme të Shtëpisë së Bardhë se do të synojnë të godasin sistemin financiar të Rusisë dhe të rrethit të brendshëm të zotit Putin, ndërkohë që do të vendosin edhe mekanizma kontrolli ndaj eksporteve, të cilat do të godasin industrinë dhe ushtrinë ruse duke i mohuar qasjen tek mikroqarqet gjysmëpërcjellëse të prodhuara në Amerikë dhe produktet e tjera të teknologjisë së lartë.

Presidenti Biden nuk vendosi aktualisht disa nga sanksionet e tjera më të ashpra, si p.sh. përjashtimin e Rusisë nga sistemi ndërkombëtar SWIFT, që mundëson transferimin e fondeve ndërmjet bankave në mbarë globin, apo ndaj sektorit energjitik rus ashtu siç i përfolpara daljes së tij publike.

Dhe deri sa Presidenti Biden foli për sanksionet, qeveria ukrainase raportoi një rritje të numrit të viktimave ndërkohë që tanket ruse po sulmojnë nga lindja, veriu dhe jugu.

Presidenti Biden u zotua se SHBA do të mbrojë çdo pëllëmbë të NATO-s, por nuk do të vendoset në Ukrainë

“Forcat tona nuk do të shkojnë në Evropë për të luftuar në Ukrainë, por për të mbrojtur aleatët tanë të NATO-s dhe për të qetësuar ata aleatë në lindje”, thotë ai. “Shtetet e Bashkuara do të mbrojnë çdo centimetër të territorit të NATO-s me fuqinë e plotë të fuqisë amerikane.”

Presidenti amerikan tha se beson që NATO është më e bashkuar se kurrë më parë dhe se nuk ka dyshim se SHBA dhe vendet e tjera të NATO-s do të përmbushin angazhimet e tyre të traktatit.

Ndërkohë ijëra forca tokësore dhe të tjera amerikane janë dislokuar në vendet e NATO-s në Evropën Lindore që ndihen të kërcënuara nga Rusia, duke përfshirë Letoninë, Estoninë dhe Lituaninë në Baltik, si dhe Poloninë dhe Rumaninë.