Video/ Pamje me dron, fluturimi i raketave ruse drejt Kievit

Radrio Free Europe, RFE, ka transmetuar pamje të xhiruara me dron, ku shfaqen raketa ruse të tipit “Grad”, duke u hedhur drejt Kievit, më 5 mars. Xhirimet janë bërë nga vullnetarët që po i ndihmojnë ushtrisë ukrainase. Ata nuk kanë treguar vendndodhjen e saktë, për arsye të sigurisë.

Ndërkohë RFE ka publikuar edhe videon e një nxënëse të plagosur e cila përmes Instagramit shprehet:

“Shpresoj që gjërat janë më mirë në vendin ku jetoni… Dërgojuani këtë video të gjithë miqve tuaj rusë”.​

Ndryshe, RFE raporton sot se rRrugët e evakuimit të publikuara nga Agjencia ruse e lajmeve RIA Novosti, tregojnë se civilët do të mund të largohen për në Rusi dhe Bjellorusi. Korridori nga Kievi çon në Bjellorusi, ndërsa nga Harkivi në Rusi. Korridoret nga qytetet Mariupol dhe Sumi çojnë në qytetet e tjera të Ukrainës, si dhe në Rusi.

Këtë propozim të Rusisë për korridore humanitare, që çojnë refugjatët në Bjellorusi ose Rusi, Zyrtarët ukrainas e kanë cilësuar plotësisht i pamoralshëm.

Qytetarët ukrainas duhet të lejohen të largohen nga shtëpitë e tyre përmes territorit ukrainas, tha një zëdhënës i presidentit ukrainas, Volodymyr Zelensky. “Vuajtjet e njerëzve përdoren për të krijuar pamjen e dëshiruar televizive,” tha ai për agjencinë e lajmeve Reuters.