Vendimi, Komisioni Rithemelimit PD: Kuvendi  Kombëtar mbahet më 30 prill

Pasi analizoi zhvillimet politike si dhe zgjedhjet e pjesshme vendore të zhvilluara në 6 bashki më 6 Mars, sot Komisioni i Rithemelimit të PD vendosi që të shtyjë mbajtjen e Kuvendit  Kombëtar në datën 30 prill.

Në këtë mbledhje, Komisioni i Rithemelimit gjithashtu vendosi të nisë procesin statutor te riorganizimit të strukturave të degëve në këto bashki, proces i frenuar për shkak te këtyre zgjedhjeve si dhe të permbyllë procesin statutor në degët tjera konform udhëzimeve.

Ndryshe, në Kuvendin e 11 Dhjetorit, si datë e mbajtjes së Kuvendit Kombëtar të radhës ishte përcaktuar 22 Marsi, datë e cila u shty për arsyet e sipërpërmendura.

Njoftim:

Komisioni i Rithemelimit të PD në mbledhjen e datës 10 mars, pasi analizoi zhvillimet politike si dhe zgjedhjet e pjesshme lokale të zhvilluara në 6 bashkitë e vendit, falenderon kandidatët e Shtepisë së Lirisë dhe të gjithë zgjedhësit e 6 bashkive për garën e dinjitoze dhe performancën e mirë në këto zgjedhje lokale.

Në këtë mbledhje, Komisioni i Rithemelimit gjithashtu vendosi:

Të zhvillojë me prioritet analizën e rezultateve zgjedhore në 6 bashkitë ku u zhvilluan zgjedhjet lokale,

Te nisë procesin statutor te riorganizimit të strukturave të degëve në këto bashki, proces i frenuar për shkak te këtyre zgjedhjeve,

Të vazhdojë dhe të permbyllë procesin statutor në degët tjera konform udhëzimeve.

Për arsyet e sipërpërmendura, në mënyrë që gjithë ky proces te përfundojë me sukses, Komisioni i Rithemelimit të PD vendosi që të shtyjë mbajtjen e Kuvendit  Kombëtar në datën 30 prill.